അനുബന്ധ വാര്ത്തകള്
- പാര്വ്വതിയില് നിന്നാണ് യഥാര്ത്ഥ സ്ത്രീത്വം എന്താണെന്ന് സിനിമാരംഗത്തെ കലാകാരികൾ തിരിച്ചറിയേണ്ടത്: ശ്രീകുമാരന് തമ്പി
- ഇടവേള ബാബുവിന്റെ പരാമർശങ്ങൾ വെറുപ്പുളവാക്കുന്നു, അമ്മയിൽ നിന്നും രാജിവെക്കുന്നതായി പാർവതി തിരുവോത്ത്
- കടലിന്റെ പശ്ചാത്തലത്തില് സര്വൈവല് ത്രില്ലറുമായി റോഷന് ആന്ഡ്രൂസ്, നായകന് നിവിന് പോളി !
- ട്വെന്റി 20 യിൽ വില്ലൻ വേഷം ചെയ്യാമെന്ന് മമ്മൂട്ടി പറഞ്ഞു, അങ്ങനെ വന്നാൽ സിനിമ പൊളിയുമെന്ന് ഇന്നസെന്റ്: ഇടവേള ബാബു പറയുന്നു
- അമ്മയുടെ സിനിമയിൽ ഭാവനയില്ല: മരിച്ചവർ തിരിച്ചുവരാത്ത പോലെയെന്ന് ഇടവേള ബാബു
നടി പാര്വ്വതി തിരുവോത്ത് അമ്മ സംഘടനയില് നിന്ന് രാജിവച്ചു
നടി പാര്വ്വതി തിരുവോത്ത് അമ്മയില് നിന്ന് രാജിവച്ചു. സംഘടനയുടെ ജനറല് സെക്രട്ടറി ഇടവേള ബാബുവിന്റെ പരാമര്ശത്തില് പ്രതിഷേധിച്ചാണ് രാജിവയ്ക്കുന്നതെന്ന് താരം പറഞ്ഞു. ഫേസ്ബുക്ക് പോസ്റ്റിലൂടെയാണ് താരം ഇക്കാര്യം പറഞ്ഞത്.
പാര്വ്വതിയുടെ ഫേസ്ബുക്ക് കുറിപ്പ്-
2018 ല് എന്റെ സുഹൃത്തുക്കള് A.M.M.A-യില് നിന്ന് പിരിഞ്ഞു പോയപ്പോള് ഞാന് സംഘടനയില് തന്നെ തുടര്ന്നത് തകര്ന്നുകൊണ്ടിരിക്കുന്ന സിസ്റ്റത്തിനകത്തു നിന്ന് കൊണ്ട് അതിനെ നവീകരിക്കാന് കുറച്ചു പേരെങ്കിലും വേണം എന്നു തോന്നിയതു കൊണ്ടാണ്.പക്ഷെ A.M.M.A ജനറല്സെക്രട്ടറി ഇടവേള ബാബുവിന്റെ അഭിമുഖം കണ്ടതിനു ശേഷം, സംഘടനയില് എന്തെങ്കിലും ഒരു മാറ്റം ഉണ്ടാകും എന്ന പ്രതീക്ഷ ഞാന് ഉപേക്ഷിക്കുന്നു.ഈ സംഘടന തഴഞ്ഞ ഒരു വനിത അംഗത്തെ മരിച്ചുപോയ ഒരാളുമായി താരതമ്യപ്പെടുത്തികൊണ്ടു അയാള് പറഞ്ഞ വെറുപ്പുളവാക്കുന്നതും ലജ്ജാവഹവുമായ വാക്കുകള് ഒരിക്കലും തിരുത്താനാവില്ല.
ആലങ്കാരികമായി പറഞ്ഞതല്ലേ എന്ന് Mr ബാബു കരുതുന്നുണ്ടാവും. പക്ഷെ അത് കാണിക്കുന്നത് അയാളുടെ അറപ്പുളവാക്കുന്ന മനോഭാവത്തെയാണ്. അയാളോട് പുച്ഛം മാത്രമാണ് ഉള്ളത്. മാധ്യമങ്ങള് ഈ പരാമര്ശം ചര്ച്ച ചെയ്തു തുടങ്ങുന്ന നിമിഷം മുതല് അയാളെ അനുകൂലിച്ച് മറ്റു പല സംഘടനാ അംഗങ്ങളും വരും. കാരണം സ്ത്രീകളുമായി ബന്ധപ്പെട്ട ഏതൊരു പ്രശ്നവും നിങ്ങള് കൈകാര്യം ചെയ്ത അതേ മോശമായ രീതിയിലാണ് ഇതും സംഭവിക്കുക എന്ന് എനിക്ക് ഉറപ്പുണ്ട്.
