അനുബന്ധ വാര്ത്തകള്
- 62ല് പിരിഞ്ഞു പോകണമെന്ന മാര്ഗ്ഗരേഖ മരവിപ്പിച്ചു; ആശമാരുടെ ആവശ്യങ്ങളില് ഒന്ന് അംഗീകരിച്ച് സര്ക്കാര്
- കര്ത്താവ് ചുമന്നതിലും വലിയ കുരിശല്ലെ ചുമക്കുന്നത്, അച്ചിവീട്ടിലെ താമസം മാറ്റു, ശബരീനാഥന്റെ ദുഃഖവെള്ളി പോസ്റ്റില് കോണ്ഗ്രസ് പൊങ്കാല
- പോലീസാണെന്ന് അറിഞ്ഞില്ല, തന്നെ ആരോ ആക്രമിക്കാന് വരുന്നെന്നാണ് വിചാരിച്ചത്: ഷൈന് ടോം ചാക്കോ
- മറ്റുള്ളവരെ വിലയ്ക്കെടുക്കില്ല, ഭേദം ചെന്നിത്തല; കോണ്ഗ്രസില് സതീശനെതിരെ പടയൊരുക്കം
- PV Anvar: ഇത്തവണ മത്സരിക്കില്ല, പക്ഷേ 2026 ല് ഞാന് തന്നെ; ജോയ് അന്വറിന്റെ നോമിനി?
നടന് ഷൈന് ടോം ചാക്കോ അറസ്റ്റില്; ഞെട്ടലില് സിനിമാ ലോകം
മയക്കു മരുന്ന് ഉപയോഗിച്ചതിന്റെ തെളിവ് ലഭിച്ച പശ്ചാത്തലത്തിലാണ് കേസെടുത്തതെന്നാണ് പോലീസില് നിന്ന് ലഭിക്കുന്ന വിവരം.
നടന് ഷൈന് ടോം ചാക്കോ അറസ്റ്റില്. മയക്കു മരുന്ന് ഉപയോഗിച്ചതിന്റെ തെളിവ് ലഭിച്ച പശ്ചാത്തലത്തിലാണ് കേസെടുത്തതെന്നാണ് പോലീസില് നിന്ന് ലഭിക്കുന്ന വിവരം. ലഹരി ഉപയോഗിക്കുക, ഉപയോഗിക്കുന്നതിന് പ്രേരിപ്പിക്കുക തുടങ്ങിയ കുറ്റങ്ങളാണ് താരത്തിനെതിരെ ചുമത്തിയിട്ടുള്ളത്. എന്ഡിപിഎസ് സെക്ഷന് 27, 29 പ്രകാരമാണ് ഷൈനിനെതിരെ കേസ് എടുത്തിട്ടുള്ളത്.
താരത്തിനെ വൈദ്യ പരിശോധനയ്ക്ക് ഉടന് വിധേയനാക്കും. അതേസമയം സ്റ്റേഷന് ജാമ്യം ലഭിക്കാവുന്ന വകുപ്പുകളാണ് ഷൈനിനെതിരെ ചുമത്തിയിട്ടുള്ളത്. മണിക്കൂറുകള് നീണ്ട ചോദ്യം ചെയ്യലില് നിര്ണായക വിവരങ്ങള് പോലീസിന് ലഭിച്ചു. നിയമോപദേശം തേടിയ ശേഷമാണ് താരത്തെ അറസ്റ്റ് ചെയ്തത്.
ഷൈനിന്റെ മൊഴികളിലെ വൈരുദ്ധ്യവും കേസെടുക്കുന്നതിന് കാരണമായിട്ടുണ്ട്. ഷൈനിന്റെ അറസ്റ്റ് സിനിമ ലോകത്തെ തന്നെ ഞെട്ടിപ്പിച്ചിരിക്കുകയാണ്. ലഹരി പരിശോധന നടന്ന രാത്രിയില് ഹോട്ടലിലുണ്ടായ സംഭവങ്ങള് വിശദമായി പോലീസ് ചോദിച്ചിട്ടുണ്ട്. ലഹരി റൈഡ് നടക്കുമ്പോള് എന്തിന് ഓടി രക്ഷപ്പെട്ടു എന്നതാണ് പോലീസ് പ്രധാനമായും ഷൈനിനോട് ചോദിച്ചത്. ഷൈന് ടോം ചാക്കോയുടെ ഒരു മാസത്തെ കോള് ലിസ്റ്റ് പോലീസ് ശേഖരിച്ചിട്ടുണ്ട്.
കൂടാതെ ഹോട്ടലില് നിന്നുള്ള സിസിടിവി ദൃശ്യങ്ങളും പോലീസിന് ലഭിച്ചു. ഹോട്ടലുകളില് താമസിക്കുന്ന ദിവസങ്ങളില് സന്ദര്ശിച്ചവരുടെ പട്ടികയും പോലീസ് ശേഖരിച്ചു. കൂടാതെ അടുത്തിടെ ഷൈന് കേരളത്തിന് പുറത്തേക്ക് നടത്തിയ യാത്രകളുടെ വിവരങ്ങളും പോലീസ് ശേഖരിച്ചിട്ടുണ്ട്.
