നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ദിലീപിന്റെ ജാമ്യാപേക്ഷ ഹൈക്കോടതി ഇന്ന് പരിഗണിക്കും. ജാമ്യം കിട്ടി പുറത്തിറങ്ങാനാകുമെന്ന് തന്നെയാണ് ദിലീപും കുടുംബവും പ്രതീക്ഷിക്കുന്നത്. ജാമ്യം നേടി പുറത്തിറങ്ങിയാല്‍ ദിലീപ് ആദ്യം ചെയ്യുക തന്റെ നീട്ടിവളര്‍ത്തിയ താടി വടിക്കുമെന്നാണ് പാപ്പരാസികള്‍ പറയുന്നത്.

കേസില്‍ അറസ്റ്റിലായതു മുതല്‍ താരം തടി വടിച്ചിട്ടില്ല. തന്നെ കാണാന്‍ ജയിലിലെത്തിയ അമ്മ സരോജത്തോടും ദിലീപ് പറഞ്ഞത് ‘വേഗം പുറത്തിറങ്ങുമെന്നും അപ്പോള്‍ താടി വടിക്കാമെന്നുമായിരുന്നു’. അതെന്തായാലും ഇന്ന് സാധിക്കുമെന്നാണ് സൂചനകള്‍.

സിനിമയില്‍ നിന്നു ദിലീപിനെ പുറത്താക്കാന്‍ ഈ മേഖലയിലെ ചിലര്‍ നടത്തിയ ഗൂഢാലോചനയാണു നടിയെ ആക്രമിച്ച കേസ് എന്ന വാദമാകും ദിലീപിന്റെ അഭിഭാഷകന്‍ മുന്നോട്ടുവയ്ക്കുക. അന്വെഷണ സംഘത്തിനെതിരെയും മഞ്ജു വാര്യര്‍ക്കെതിരെയും ഗുരുതര ആരോപണങ്ങളാണ് ദിലീപ് ജാമ്യാപേക്ഷയില്‍ ഉന്നയിച്ചിരിക്കുന്നത്.

ജാമ്യാപേക്ഷയുമായി ഇതു മൂന്നാം തവണയാണ് ദിലീപ് കോടതിക്കു മുന്നിലെത്തുന്നത്. എന്നാല്‍, അന്വേഷണം അവസാന ഘട്ടത്തിലാണെന്നും ദിലീപിനു ജാമ്യം നല്‍കരുതെന്നുമാകും പ്രോസിക്യൂഷന്‍ വാദിക്കുക.