മുകേഷിന്റേയും സരിതയുടെയും മകനാണ് ശ്രാവണ്‍. ശ്രാവണ്‍ നായകനായി അഭിനയിക്കുന്ന സിനിമയാണ് 'കല്യാണം'. രാജേഷ് നായര്‍ സംവിധാനം ചെയ്യുന്ന സിനിമയുടെ പൂജ ചടങ്ങുകള്‍ കഴിഞ്ഞ മാസം കഴിഞ്ഞിരുന്നു. വേര്‍പിരിഞ്ഞെങ്കിലും മകന്റെ സിനിമക്കായി മുകേഷും സരിതയും ഒരുമിച്ച് ചടങ്ങില്‍ പങ്കെടുത്തിരുന്നു. ഇത് വലിയ വാര്‍ത്തയാവുകയും ചെയ്തിരുന്നു. ഇപ്പോഴിതാ, അച്ഛനമ്മമാരെ കുറിച്ച് മനസ്സ് തുറക്കുകയാണ് ശ്രാവണ്‍.

മുകേഷും സരിതയും അവരുടെ സിനിമകളിലേത് പോലെ തന്നെയാണ് യഥാര്‍ത്ഥ ജീവിതത്തിലുമെന്ന് ശ്രാവണ്‍ പറയുന്നു. അഭിനയിച്ച സിനിമകളില്‍ കൂടുതലും സെന്റിമെന്റ്സും ഇമോഷണലും ആയ കഥാപാത്രത്തെയാണ് സരിത അവതരിപ്പിച്ചിട്ടുള്ളത്. എന്നാല്‍, മുകേഷിന്റെ ആയുധം കോമഡിയാണ്. സിനിമയിലും ജീവിതത്തിലും.

മുകേഷിന്റെ കോമഡി ചിത്രങ്ങളില്‍ എല്ലാം ഒന്നിനൊന്ന് മികച്ച് നില്‍ക്കുന്നവയാണ്. എന്നാല്‍, ഇന്‍ ഹരിഹര്‍ നഗര്‍, ടു ഹരിഹര്‍ നഗര്‍, ഇന്‍ ഗോസ്റ്റ് ഹൌസ് ഇന്‍ എന്നീ ചിത്രത്തിലെ ‘മഹാദേവന്‍’ ആയിരിക്കും ഒരുപടി മുന്‍പില്‍. ഇതേ മഹാദേവനെ പോലെ തന്നെയാണ് മുകേഷ് വീടിനുള്ളിലും പുറത്തുമെന്ന് സാരം.

അമ്മ ഏറെ സ്‌നേഹം തന്നിട്ടാണ് തന്നെ വളര്‍ത്തിയതെന്നും അതിനാല്‍ അമ്മയെ മറ്റ് എന്തിനേക്കാളും അന്ധമായി തന്നെ വിശ്വിസിക്കുകയാണെന്നും ശ്രാവണ്‍ പറയുന്നു. അടുത്തിടെ ഗ്രഹലക്ഷ്മിയ്ക്ക് കൊടുത്ത അഭിമുഖത്തിലാണ് ശ്രാവണ്‍ ഇക്കാര്യങ്ങള്‍ തുറന്ന് സംസാരിച്ചത്.