രേണുക വേണു|
Last Modified ബുധന്‍, 19 ജൂണ്‍ 2024 (21:45 IST)
മണ്‍സൂണിനോടനുബന്ധിച്ചുള്ള ഭക്ഷ്യ വിഷബാധ തടയുക, ശുചിത്വവും സുരക്ഷിത ഭക്ഷണവും ഉറപ്പാക്കുക എന്ന ലക്ഷ്യത്തോടെ തൃശൂര്‍ ജില്ലയില്‍ കഴിഞ്ഞ രണ്ടു ദിവസങ്ങളില്‍ നടത്തിയ പരിശോധനയില്‍ ഏഴ് സ്ഥാപനങ്ങള്‍ക്ക് പ്രവര്‍ത്തനം നിര്‍ത്തിവയ്ക്കാന്‍ നിര്‍ദ്ദേശം നല്‍കി. ഭക്ഷ്യസുരക്ഷാ കമ്മീഷണറുടെ ഉത്തരവിന്റെ അടിസ്ഥാനത്തില്‍ നാല് സ്‌ക്വാഡുകളാണ് പരിശോധന നടത്തിയത്.
തിരുവില്ലാമല പിക് ആന്‍ഡ് മിക്, പാട്ടുരായ്ക്കല്‍ ഹോട്ടല്‍ ബ്രാഹ്‌മിന്‍, പാട്ടുരായ്ക്കല്‍ ഹോട്ടല്‍ അന്നപൂര്‍ണ്ണ, ഇരിങ്ങാലക്കുട ഹാര്‍ട്ടോസ് കഫെ, ഒല്ലൂര്‍ മേരി മാതാ ബേക്കറി, ഒല്ലൂര്‍ സോഫ്റ്റി ഫുഡ്‌സ്, ചാലക്കുടി എസ് എസ് ബേക്ക്‌സ് ആന്‍ഡ് സ്വീറ്റ്‌സ് എന്നീ സ്ഥാപനങ്ങളാണ് പൂട്ടിയത്. കൂടാതെ 45 സ്ഥാപനങ്ങള്‍ക്ക് നോട്ടീസ് നല്‍കിയതായും അസിസ്റ്റന്റ് ഫുഡ് സേഫ്റ്റി കമ്മീഷണര്‍ അറിയിച്ചു.
