ഗായിക കെഎസ് ചിത്രയുടെ മകള് നന്ദന(8) നീന്തല്‍ കുളത്തില്‍ വീണു മരിച്ചു. ദുബായിലെ എമിറേറ്റ്സ് ഹില്‍സ് വില്ലയിലെ നീന്തല്‍കുളത്തില്‍ ഇന്നു രാവിലെയാണ് അപകടം. ഒരു സംഗീത പരിപാടിയുമായി ദുബായിലെത്തിയതായിരുന്നു ചിത്ര. ഇവിടെയുള്ള ഒരു മലയാളിയുടെ വസതിലാണ് ചിത്രയും മകളും താമസിച്ചത്. നീന്തല്‍ കുളത്തില്‍ വീണ കുട്ടിയെ ഉടനെതന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
നന്ദനയുടെ മൃതദേഹം പരിശോധനകള്‍ക്കായി ദുബായ് ഫോറന്‍സിക് ലാബിലേക്ക് മാറ്റി. മൃതദേഹം നാട്ടിലെത്തിക്കാനുള്ള നടപടികള്‍ തുടരുന്നു. വിവാഹശേഷം എട്ടുവര്‍ഷത്തോളം നീണ്ട കാത്തിരിപ്പു ശേഷമാണ്‌ ചിത്രയ്‌ക്ക് മകള് ജനിച്ചത്‌. 2002ലാണ് നന്ദനയുടെ ജനനം. എഞ്ചിനിയറും ബിസിനസുകാരനുമായ വിജയ് ശങ്കറാണ് ചിത്രയുടെ ഭര്‍ത്താവ്.
