കെഎസ് യു സംസ്ഥാന സമ്മേളനത്തില്‍ തിരുവഞ്ചൂരിനെ ബഹിഷ്കരിച്ചു
കൊല്ലം|
WEBDUNIA|
PRO
PRO
കെഎസ് യു സംസ്ഥാന സമ്മേളനത്തില്‍ തിരുവഞ്ചൂര് രാധാകൃഷ്ണന് ബഹിഷ്‌കരണം. തിരുവഞ്ചൂര് രാധാകൃഷ്ണനെ സമ്മേളനത്തിലേക്ക് ക്ഷണിച്ചില്ല. കണ്ണൂര്‍, പത്തനംതിട്ട ജില്ലാ കമ്മറ്റിയുടെ എതിര്‍പ്പിനെത്തുടര്‍ന്നാണ് ബഹിഷ്‌കരിച്ചത്. ഇന്നലെയാണ് മൂന്ന് ദിവസത്തെ സംസ്ഥാന സമ്മേളനം ആരംഭിച്ചത്.
സംഘടനയുടെ മുന്‍കാല നേതാക്കന്മാരായ എം എം ഹസനും കൊടിക്കുന്നേല്‍ സുരേഷുമടക്കം പ്രമുഖ നേതാക്കന്മാരെല്ലാം എത്തിയ ചടങ്ങിലാണ് തിരുവഞ്ചൂര് രാധാകൃഷ്ണനെ ഒഴിവാക്കിയത്. രമേശ് ചെന്നിത്തലയും പങ്കെടുത്ത സമ്മേളനത്തില്‍ എഐസിസി വൈസ് പ്രസിഡന്റ് രാഹുല്‍ ഗാന്ധി, കേന്ദ്ര മന്ത്രിമാരായ എ കെ ആന്റണി, വയലാര്‍ രവി, സച്ചിന്‍ പൈലറ്റ്, മുഖ്യമന്ത്രി ഉമ്മന്‍ചാണ്ടി, മുഹമ്മദ് അസറുദ്ദീന്‍ എംപി തുടങ്ങിയവും പങ്കെടുക്കുന്നുണ്ട്.
നാളെ രാവിലെ 9.30ന് പ്രതിനിധി സമ്മേളനം സി കേശവന്‍ സ്മാരക ടൗണ്‍ ഹാളില്‍ ആരംഭിക്കും. യൂണിറ്റ് പ്രസിഡന്റുമാര്‍ ഉള്‍പ്പെടെ ആയിരത്തോളം പ്രതിനിധികള്‍ പങ്കെടുക്കുന്നുണ്ട്. സമകാലിക വിഷയങ്ങളെ സംബന്ധിക്കുന്ന പ്രമേയങ്ങള്‍ സമ്മേളനത്തില്‍ അവതരിപ്പിക്കും. മന്ത്രിമാര്‍, അക്കാദമിക് വിദഗ്ദ്ധര്‍, വിവിധ രംഗങ്ങളിലെ പ്രമുഖര്‍ തുടങ്ങിയവര്‍ വിവിധ സെക്ഷനുകളില്‍ സംബന്ധിക്കും.
