നെഹ്‌റു കോളെജിലെ വിദ്യാര്‍ത്ഥിയായിരുന്ന ജിഷ്ണു പ്രണോയ്‌യുടെ മരണത്തില്‍ കോണ്‍ഗ്രസ് കെ സുധാകരന് പങ്കുണ്ടെന്ന് ജിഷ്ണുവിന്റെ കുടുംബം. നെഹ്റു കോളജ് ചെയര്‍മാനെതിരായ പരാതി ഒത്തുതീര്‍പ്പാക്കാന്‍ സുധാകരന്‍ രഹസ്യചര്‍ച്ച നടത്തിയത് വിവാദമാകുന്നതിനിടയിലാണ് ഇദ്ദേഹത്തിനെതിരെ പരാതിയുമായി ജിഷ്ണുവിന്റെ കുടുംബം രംഗത്തെത്തിയിരിക്കുന്നത്.

കൃഷ്ണദാസിനൊപ്പം ചേർന്ന് സുധാകരൻ കേസ് അട്ടിമറിക്കാൻ ശ്രമിക്കുന്നുവെന്ന് ജിഷ്ണുവിന്‍റെ കുടുംബം ആരോപിച്ചു. സുധാകരനെതിരെ കേസെടുക്കണം. ജിഷ്ണുവിന്റെ വ്യാജ ആത്മഹത്യ കുറിപ്പ് തയാറാക്കിയതിൽ സുധാകരന് പങ്കുണ്ടെന്ന് സംശയിക്കുന്നുവെന്നും അതിനാല്‍ കേസ് ഉടന്‍ സിബി‌ഐക്ക് നല്‍കണമെന്നും കുടുംബം പറയുന്നു.

നെഹ്​റു കോളജിൽ വിദ്യാർഥിക്ക്​ മർദനമേറ്റ കേസിൽ ഒത്തുതീർപ്പ്​ ചർച്ചക്കെത്തിയ കെ സുധാകരനെ ഡിവൈഎഫ്‌ഐ പ്രവർത്തകർ കഴിഞ്ഞദിവസം രാത്രി തടഞ്ഞുവെച്ചിരുന്നു. പരാതി ഒത്തുതീര്‍പ്പാക്കാനായിരുന്നു സുധാകരന്‍ എത്തിയത്. എന്നാല്‍, ഇതു സംബന്ധിച്ച് യാതോരു സ്ഥിരീകരണവും നല്‍കാന്‍ പരാതി നല്‍കിയ വിദ്യാര്‍ത്ഥിയുടെ കുടുംബം തയ്യാറാകുന്നില്ല.

വിദ്യാർഥിയുടെ കുടുംബവുമായി ഒത്തുതീർപ്പ്​ ചർച്ചക്കാണ്​ താനെത്തിയതെന്നും ഇതിൽ എന്താണ്​ പ്രശ്​നമെന്നും സുധാകരൻ മാധ്യമ പ്രവർത്ത​കരോട്​ ആരാഞ്ഞു