ലോകത്തിലെ ഏറ്റവും പ്രമുഖ സോഷ്യൽ മീഡിയ പ്ലാറ്റ്‌ഫോമുകളിലൊന്നായ ട്വിറ്ററിനെ ഏറ്റെടുത്ത് ദിവസങ്ങൾക്കുള്ളിൽ തന്റെ അടുത്ത ലക്ഷ്യം പ്രഖ്യാപിച്ച് ഇലോൺ മസ്‌ക്.അടുത്തതായി താൻ കൊക്കക്കോള വാങ്ങാൻ ആഗ്രഹിക്കുന്നു എന്ന് ട്വീറ്റ് ചെയ്ത മസ്കിന്റെ ട്വീറ്റ് ഇതിനകം തന്നെ വൈറലായി കഴിഞ്ഞു.

1,45,000-ലധികം തവണയാണ് ഇത് റിട്വീറ്റ് ചെയ്യപ്പെട്ടത്. ആയിരകണക്കിന് കമന്റുകളാണ് പോസ്റ്റിന് താഴെ വന്നിരിക്കുന്നത്. അതേസമയം മസ്‌കിന്റെ ട്വീറ്റ് എത്രമാത്രം ഗൗരവകരമാണെന്ന സംശയത്തിലാണ് സോഷ്യൽ മീഡിയ. അതേസമയം മസ്‌‌കിന്റെ ട്വീറ്റിനെ നിസാരമായി തള്ളികളയാനാവാത്ത സ്ഥിതിയുമാണ്.