സൂക്ഷിക്കുക, മിസ്ഡ് കോളില് അപകടം പതിയിരിക്കുന്നു
ന്യൂഡല്ഹി|
WEBDUNIA|
Last Updated:
ബുധന്, 23 ഏപ്രില് 2014 (13:08 IST)
PRO
PRO
നിങ്ങളുടെ മൊബൈല് ഫോണിലേക്ക് ഒരു മിസ്ഡ് കോള് വന്നാല് തിരിച്ചുവിളിച്ച് ആരാണെന്ന് അന്വേഷിക്കുന്നത് സ്വാഭാവികം മാത്രം. എന്നാല് ഇനി മിസ്ഡ് കോള് നമ്പറിലേക്ക് തിരിച്ചുവിളിക്കാന് ഒരുങ്ങുമ്പോള് സൂക്ഷിക്കുക. +92, #90, #09 എന്ന നമ്പരുകളില് നിന്നാണു മിസ്ഡ് കോള് എങ്കില് തിരിച്ചുവിളിക്കരുത്. കാരണം ഈ നമ്പറുകളില് വലിയൊരു അപകടം പതിയിരിക്കുന്നുണ്ട്.
ഈ നമ്പരുകളിലേക്ക് വിളിച്ചാല് നിങ്ങളുടെ സിം കാര്ഡ് ക്ലോണ് ചെയ്യപ്പെട്ടേക്കാം. ടെലികോം മേഖലയ്ക്ക് പുതിയ വിപത്തായി മാറിയ ക്ലോണ് ആക്രമണത്തിന് ഇതുവരെ ഒരു ലക്ഷത്തോളം ഉപയോക്താക്കള് ഇരയായിട്ടുണ്ട് എന്നാണ് വിവരം. ഒരു റാക്കറ്റ് തന്നെ ഇതിനായി പ്രവര്ത്തിക്കുന്നുണ്ട്.
നിങ്ങളുടെ സിംകാര്ഡിലും ഡാറ്റാ കാര്ഡിലും സൂക്ഷിച്ചിരിക്കുന്ന സകല വിവരങ്ങളും കൈക്കലാക്കാന് റാക്കറ്റിന് സാധിക്കും. ബിഎസ്എന്എല് ഉള്പ്പെടെയുള്ള ടെലികോം ഓപ്പറേറ്റര്മാര് ഇതേക്കുറിച്ച് ഉപയോക്താക്കള്ക്ക് മുന്നറിയിപ്പ് നല്കുന്നുണ്ട്.