ക്രിക്കറ്റ് ലോകം കണ്ടതിൽ വെച്ച് ഏറ്റവും മികച്ച ഫിനിഷറാണ് മുൻ ഇന്ത്യൻ നായകനായ മഹേന്ദ്ര സിംഗ് ധോണിയെന്ന കാര്യത്തിൽ ആർക്കും സംശയം തോന്നാൻ ഇടയില്ല. എന്നാൽ ഈയിടെയായി ഫിനിഷിങ്ങിൽ ധോണിക്ക് പഴയ മികവ് ആവർത്തിക്കാനാവുന്നില്ല. ഇപ്പോളിതാ ഇക്കാര്യം തുറന്ന് പറഞ്ഞിരിക്കുകയാണ് വെസ്റ്റിൻഡീസ് ഇതിഹാസതാരമായ ബ്രയാൻ ലാറ.

ധോണി ലോകത്തിലെ തന്നെ മികച്ച ഫിനിഷറാണെന്നതിൽ സംശയമില്ല. എന്നാലിപ്പോൾ ധോണി മത്സരങ്ങൾ ഫിനിഷ് ചെയ്യുന്നതിൽ മറ്റ് താരങ്ങളെ പിന്തുണക്കേണ്ടതുണ്ട്. ധോണിക്ക് മത്സരങ്ങൾ പൂർത്തീകരിക്കാൻ പറ്റാത്തതിൽ അത്ഭുതമുണ്ട്. ധോണി മികച്ച ഫിനിഷറാണെന്നതിൽ സംശയമില്ലെങ്കിൽ ഇപ്പോൾ കാര്യങ്ങൾ അദ്ദേഹത്തിന് ശരിയായ രീതിയിലല്ല മുന്നോട്ട് പോകുന്നത് ലാറ പറഞ്ഞു.