Virat Kohli Celebration: ഐപിഎല്‍ ഫൈനല്‍ ജയിച്ച ശേഷമുള്ള വിരാട് കോലിയുടെ ആഘോഷപ്രകടനം സോഷ്യല്‍ മീഡിയയില്‍ വൈറല്‍. ഇന്ത്യയുടെ മുന്‍ പരിശീലകനും ഐപിഎല്‍ ഫൈനലിലെ അവതാരകനുമായ രവി ശാസ്ത്രിയുമായി കോലി സന്തോഷം പങ്കിടുന്ന ദൃശ്യങ്ങളാണ് അതില്‍ ഏറ്റവും ഹൃദ്യം.

മത്സരശേഷം രവി ശാസ്ത്രിയെ കണ്ടപ്പോള്‍ കോലി കൊച്ചുകുട്ടിയെ പോലെ അടുത്തേക്ക് ഓടിവരികയായിരുന്നു. ശാസ്ത്രിയുടെ കൈകളിലേക്ക് കോലി ചാടുന്നതും കെട്ടിപ്പിടിച്ച് സന്തോഷം പ്രകടിപ്പിക്കുന്നതും വീഡിയോയില്‍ കാണാം. വിരാട് കോലിയുടെ ജീവിതപങ്കാളി അനുഷ്‌ക ശര്‍മ ഈ സമയത്ത് അവിടെ ഉണ്ടായിരുന്നു. കോലിയുടെ ആഹ്ലാദപ്രകടനം കണ്ട് അനുഷ്‌ക ഞെട്ടിപ്പോയി. രണ്ട് കുട്ടികളുടെ അച്ഛന്‍ തന്നെയാണോ ഇതെന്ന് കോലിയുടെ വീഡിയോ കണ്ടശേഷം ആരാധകര്‍ ചിരിച്ചുകൊണ്ട് ചോദിക്കുകയാണ്.