മനുഷ്യക്കടത്തുമായി ബന്ധപ്പെട്ട് സൗദി വനിത കാലിഫോര്‍ണിയയില്‍ അറസ്റ്റില്‍. മിഷാഇല്‍ അലൈബാന്‍(42) ആണ് അറസ്റ്റിലായത്. വീട്ടുജോലിക്കാരിയായ കെനിയന്‍ യുവതിയെ കടത്താന്‍ ശ്രമിക്കുന്നതിനിടെയാണ് ഇവര്‍ പിടിയിലായത്. മിഷാഇല്‍ സൗദി രാജകുടുംബാംഗമാണെന്ന് ജില്ലാ അറ്റോര്‍ണി ടോണി റാക്വാക്കസ് സ്ഥിരീകരിച്ചതായി റിപ്പോര്‍ട്ടുണ്ട്. ഇവര്‍ക്കെതിരായ കുറ്റം തെളിഞ്ഞാല്‍ 12 വര്‍ഷം വരെ തടവ് ലഭിച്ചേക്കും.
കെനിയന്‍ സ്ത്രീയുടെ മൊഴിയുടെ അടിസ്ഥാനത്തിലാണ് അറസ്റ്റ്. രക്ഷപ്പെടാന്‍ ശ്രമിക്കുന്നതിനിടെ ബസ് തടഞ്ഞു നിര്‍ത്തിയ കെനിയന്‍ യുവതി ബസിലെ യാത്രക്കാരോട് തന്‍്റെ പ്രശ്നം പറയുകയായിരുന്നു. യാത്രക്കാരാണ് ഇവരെ പൊലീസിന്‍്റെ അടുത്തത്തെിച്ചത്. മിഷാഇലിന്‍്റെ വീട്ടില്‍ പൊലീസ് പരിശോധന നടത്തി.
