പാകിസ്ഥാനില്‍ ബസിനു നേരെയുണ്ടായ ചാവേര് ബോംബാക്രമണത്തില്‍ 28 പേര്‍ കൊല്ലപ്പെട്ടു. പാകിസ്ഥാനിലെ ബലൂചിസ്ഥാന്‍ പ്രവിശ്യയിലാണ് ബസിനു നേരെ ചാവേര് ബോംബാക്രമണം ഉണ്ടായത്.
ആക്രമണത്തില്‍ 45 പേര്‍ക്കു പരുക്കേറ്റു. ഷിയ മുസ്‌ലിം തീര്‍ഥാടകരുമായി പോയ ബസിനു നേരെയാണ്‌ ആക്രമണം ഉണ്ടായത്.ബലൂചിസ്ഥാനിലെ ക്വറ്റയിലേക്കു പോകുകയായിരുന്ന തീര്‍ഥാടകരാണ്‌ ആക്രമണതത്തിന്‌ ഇരകളായത്‌. സ്ഫോടനത്തെ തുടര്‍ന്ന്‌ ബസിനു തീപിടിച്ചു. സമീപത്തുണ്ടായിരുന്ന മറ്റു മൂന്നു വാഹനങ്ങളും കത്തിനശിച്ചു.
സ്ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. സംഭവത്തില്‍ സര്‍ക്കാര്‍ അന്വേഷണത്തിന്‌ ഉത്തരവിട്ടു. പ്രധാനമന്ത്രി നവാസ്‌ ഷെരീഫ്‌, പ്രസിഡന്റ്‌ മംനൂണ്‍ ഹുസൈന്‍ എന്നിവര്‍ സ്ഫോടത്തെ അപലപിച്ചു.
