പാകിസ്ഥാനില്‍ വിമാനം റാഞ്ചാന്‍ ശ്രമം നടന്നു. പാകിസ്ഥാന് ഇന്റര്‍നാഷണല്‍ എയര്‍ലൈന്‍സ് വിമാനമാണ് ഭീഷണിയെ തുടര്‍ന്ന് കറാച്ചി വിമാനത്താവളത്തില്‍ അടിയന്തരമായി ഇറക്കിയത്.
കറാച്ചിയില്‍ നിന്നു ബവല്‍പുരിലേക്കു പുറപ്പെട്ട പി കെ-586 വിമാനമാണു യാത്രക്കാരന്‍ റാഞ്ചാന്‍ ശ്രമിച്ചത്. എയര്‍ഹോസ്റ്റസ് ഉടന്‍ തന്നെ ഇക്കാര്യം പൈലറ്റിലെ അറിയിച്ചു. തുടര്‍ന്ന് വിമാനം കറാച്ചിയില്‍ തിരിച്ചിറക്കുകയായിരുന്നു.
ഭീഷണി മുഴക്കിയ യാത്രക്കാരനെ സുരക്ഷാ വിഭാഗം അറസ്റ്റ് ചെയ്തു. ഇയാളെ ചോദ്യം ചെയ്തുവരികയാണ്. അമ്പതോളം യാത്രക്കാരാണ് വിമാനത്തില്‍ ഉണ്ടായിരുന്നത്.
