ബാഗ്ദാദ്|
WEBDUNIA|
Last Modified ശനി, 28 ഡിസം‌ബര്‍ 2013 (09:22 IST)
PRO
ഇറാഖ് വ്യോമസേനയ്ക്കു അമേരിക്ക മിസൈലുകള് നല്‍കി. ഇറാഖിലെ അല്‍ഖ്വയിദ താവളങ്ങള്‍ തകര്‍ക്കുന്നതിനായിട്ടാണ് മിസൈലുകള് നല്‍കിയിരിക്കുന്നത്.
അടുത്ത വര്‍ഷം 10 സ്കാന്‍ ഈഗിള്‍ എന്നറിയപ്പെടുന്ന പെയിലറ്റില്ലാ നിരീക്ഷണ വിമാനങ്ങളും ഇറാഖിനു ലഭിക്കും. പുറമേ, പതിനെട്ട്‌ എഫ്‌-16 പോര്‍വിമാനങ്ങളും നല്‍കും. ഭീകരവിരുദ്ധ പ്രവര്‍ത്തനങ്ങളില്‍ സഹകരണത്തിനായി 2008ല്‍ യുഎസും ഇറാഖും തമ്മില്‍ ഒപ്പിട്ട കരാര്‍ പ്രകാരമാണ്‌ ഈ സഹായം.
വിമാനത്തില്‍നിന്നു ഭൂമിയിലേക്കു പ്രയോഗിക്കുന്ന ഹെല്‍ഫയര്‍ മിസെയിലുകള്‍ നാലു കിങ്‌ എയര്‍ പ്രൊപ്പല്ലര്‍ വിമാനത്തില്‍നിന്നു വിജയകരമായി ഇറാഖ് പരീക്ഷിച്ചു. സിറിയയുടെ അതിര്‍ത്തിയിലുള്ള നാലു തീവ്രവാദി താവളങ്ങളാണ്‌ ഇതുപയോഗിച്ചു തകര്‍ത്തത്‌. ഇറാഖില്‍ തീവ്രവാദി ആക്രമണങ്ങള്‍ വര്‍ധിച്ച പശ്ചാത്തലത്തിലാണു ഹെല്‍ഫയര്‍ മിസെയിലുകള്‍ എത്തിച്ചുതുടങ്ങിയത്‌.
