അനുബന്ധ വാര്ത്തകള്
- ജോലി നഷ്ടപ്പെട്ടതോടെ ഭർത്താവ് നാട്ടിലേയ്ക്ക് മടങ്ങാൻ നിർബന്ധിച്ചു: ഒന്നരവയസുള്ള മകളെ കൊലപ്പെടുത്തിയ ശേഷം യുവതി ജീവനൊടുക്കി
- പെൺക്കുട്ടിയുമായി അടുപ്പത്തിലായിരുന്നു, കൊലപ്പെടുത്തിയ്ത് അമ്മയും സഹോദരനും ചേർന്ന്: എല്ലാ കുറ്റവും നിഷേധിച്ച് ഹത്രസ് കേസിലെ മുഖ്യപ്രതി
- ഓക്സ്ഫഡ് വാക്സിൻ രാജ്യത്ത് കുറഞ്ഞ വിലയ്ക്ക് ലഭിയ്ക്കുക ജൂലൈ വരെ മാത്രം; അതിന് ശേഷം വില അസ്ട്രസെനക തീരുമാനിയ്ക്കും
- കാറിന് പിന്നിൽ രണ്ടുതവണ ലോറി വന്നിടിച്ചു; തന്നെ ആക്രമിയ്ക്കാൻ ആസൂത്രിത നീക്കമെന്ന് അബ്ദുള്ളക്കുട്ടി
- ശ്രീപത്മനാഭസ്വാമി ക്ഷേത്രത്തിലെ മുഖ്യ പൂജാരിയ്ക്കുൾപ്പടെ 12 പേർക്ക് കൊവിഡ്: ദർശനം നിർത്തിവച്ചു
ദുബായിൽ എത്തണമെങ്കിൽ കർശനമായ നിബന്ധനകൾ: മുൻകൂർ അനുമതി നിർബന്ധം
ദുബയിലേയ്ക്കുള്ള യാത്രാനുമതി കൂടുതൽ കർശനമാക്കി അധികൃതർ. വിദേശരാജ്യങ്ങളിൽനിന്നും മാത്രമല്ല. മറ്റു എമിറേറ്റുകളിൽനിന്നും എത്തുന്നവരും മുൻ കൂർ അനുമതി തേടണം. മറ്റു എമിറേറ്റുകളില് നിന്നും ദുബായിയില് എത്തുന്നവര് ഫെഡറല് അതോറിറ്റി ഫോര് ഐഡന്റിറ്റി ആന്ഡ് സിറ്റിസണ്ഷിപ്പില് നിന്നും, ദുബായ് വിസക്കാര് ദുബായ് എമിഗ്രെഷനില് നിന്നുമാണ് അനുമതി വാങ്ങേണ്ടത്. അനുമതി ലഭിക്കാനായി ഇരുവകുപ്പുകളുടെയും വെബ്സൈറ്റുകള് സന്ദര്ശിക്കാം. കൊവിഡ് പശ്ചാത്തലത്തിൽ വിസ ചട്ടങ്ങളിൽ എപ്പോൾ വേണമെങ്കിലും മാറ്റം വരാം എന്നതിനാൽ ഇക്കാര്യങ്ങളിൽ ടോൾഫ്രീ നമ്പരുകളിൽ വ്യക്തത വരുത്താം.
യുഎഇയിലുള്ളവർക്ക് 8005111 എന്ന ടോള്ഫ്രീ നമ്പറിലും, വിദേശ രാജ്യങ്ങളില് നിന്നുള്ളവര്ക്ക് 00971 4313999 എന്ന നമ്പറിലും ബന്ധപ്പെടാം. ഇതിനു പുറമെ [email protected] എന്ന ഇ-മെയിൽ വഴിയും, വെബ്സൈറ്റിലെ ചാറ്റ് ബോക്സ് വഴിയും വിവരങ്ങൾ തേടാം. അതേസമയം നിയന്ത്രണങ്ങൾ അറിയാതെ എത്തി വിമാനത്താവളത്തില് കുടുങ്ങിയ 300 യാത്രക്കാര്ക്ക് രാജ്യത്തേക്ക് കടക്കാന് അനുമതി നൽകിയിട്ടുണ്ട്. ഇതില് മലയാളികളും ഉള്പ്പെടും. ദുബായ് ജനറല് ഡയറക്ടറേറ്റ് ഓഫ് റസിഡന്സി ആന്ഡ് ഫോറിന് അഫയേഴ്സിലെ പ്രത്യേക സംഘം വിമാനത്താവളത്തിലെത്തിയാണ് ഇവരുടെ രേഖകള് പരിശോധിച്ചത്.
