മക്കളെ ശാരീരിക ഉപദ്രവിച്ചെന്ന പരാതിയില്‍ ഹോളിവുഡ് നടൻ ബ്രാഡ് പിറ്റിനെതിരായ അന്വേഷണം എഫ് ബി ഐ അവസാനിപ്പിച്ചു. പരാതിയില്‍ അന്വേഷണം നടത്തിയെന്നും എന്നാല്‍ നടപടികളെടുക്കാനുള്ള തെളിവുകള്‍ ഒന്നുമില്ലെന്നും എഫ് ബി ഐ പറഞ്ഞു.

പതിനഞ്ചുകാരനായ മകൻ മാഡോക്‍സിനെ മര്‍ദ്ദിച്ചെന്നാണ് ബ്രാഡ് പിറ്റിനെതിരായ ആരോപണം. തനിക്കെതിരെ ഉയരുന്ന ആരോപണങ്ങള്‍ കെട്ടിച്ചമച്ചതും അടിസ്ഥാനരഹിതമാണെന്നും ബ്രാഡ് പിറ്റ് വ്യക്തമാക്കുകയും ചെയ്‌തിരുന്നു.

ആഞ്ജലീന ജോളിയും പിറ്റും തമ്മിലുള്ള ബന്ധം തകരാന്‍ കാരണമായത് ഈ കേസാണെന്നാണ് പൊതുവെയുള്ള സംസാരം. അതേസമയം, കേസ് പിന്‍‌വലിച്ച നടപടിയില്‍ ആഞ്ജലീന ജോളി ഇതുവരെ പ്രതികരിച്ചിട്ടില്ല.