ഓസ്‌ട്രേലിയന്‍ തലസ്ഥാനമായ സിഡ്‌നിയിലെ കഫെയില്‍ സാ​യു​ധ​ ​ഐസിസ് തീ​വ്ര​വാ​ദി​ ​ബന്ദികളാക്കിയ ​രണ്ട് ഇ​ന്ത്യ​ക്കാ​ര​​ട​ക്കം ഇരുപതോളം​ ​പേ​രെ​ സുരക്ഷാസേന ​മോചിപ്പിച്ചു. 16 മണിക്കൂറോളം ബന്ദികളാക്കി ലോകത്തെ മുള്‍ മുനയില്‍ നിര്‍ത്തിയ ആയുധധാരിയെ വധിച്ച ശേഷമാണ് ബന്ദികളെ മോചിപ്പിച്ചത്. ഇറാനിയൻ വംശജൻ ഹാരൺ മോനിസ് എന്ന തീവ്രവാദിയാണ് കൊല്ലപ്പെട്ടത്. വെടിയേറ്റ രണ്ട് ബന്ദികളിൽ ഒരാൾ കൊല്ലപ്പെട്ടു

സിഡ്നിയില്‍ ഓപ്പറ ഹൌസിനു സമീപമുള്ള ലിന്‍ഡ് ചോക്ക്ലേറ്റ് കഫേയില്‍ ഇന്ത്യന്‍ സമയം ഇന്നലെ പുലര്‍ച്ചെയാണ് മുപ്പതിലധികം പേരെ ആയുധധാരി ബന്ദിയാക്കിയത്. ഇന്‍ഫോസിസില്‍ എന്‍ജിനീയറായ ആന്ധ്ര സ്വദേശി യുവ എന്‍ജിനീയര്‍ വി​ശ്വ​കാ​ന്ത് അംഗി റെഡ്ഡി, പുഷ്പേന്ദു ഘോഷ് എന്നിവരും ഇതില്‍ ഉള്‍പ്പെട്ടിരുന്നു. ആ​റു​വർ​ഷ​മാ​യി​ ​വി​ശ്വ​കാ​ന്ത് ​ഓ​സ്ട്രേ​ലി​യ​യി​ലാ​ണ്. വി​ശ്വ​കാ​ന്തിനെ രക്ഷപെടുത്തിയെന്ന വാർത്ത പുറത്തുവന്നതിന് തൊട്ടുപിന്നാലെ
വിദേശകാര്യ മന്ത്റി സുഷമ സ്വരാജാണ് രണ്ടാമത്തെ ഇന്ത്യക്കാരൻ പുഷ്പേന്ദു ഘോഷ് സുരക്ഷിതനാണെന്ന് ട്വിറ്റ് ചെയ്തത്.

ഇന്ത്യന്‍ സമയം രാത്രി ഒന്‍പതോടെയാണു കഫേയിലേക്കു പൊലീസ് ഇരച്ചുകയറി ബന്ദികളെ മോചിപ്പിച്ചത്. ഇ​ന്ന​ലെ​ ​രാ​വി​ലെ​ ​ന​ഗ​ര​ത്തി​ലെ​ ​ത​ന്ത്ര​പ്ര​ധാ​ന​മാ​യ​ ​മാർ​ട്ടിൻ​ ​പ്ലേ​സി​ലെ​ ​ലിൻ​ഡ് ​ചോ​ക്ക​ലേ​റ്റ് ​കഫേ​യി​ലാ​ണ് രാജ്യത്തെ നടുക്കിയ സംഭവം അരങ്ങേറിയത്. ഭക്ഷ​ണം​ ​ക​ഴി​ക്കാ​നെ​ത്തി​യ​ 30​ ​പേ​രും​ ​പ​ത്തു​ ​ജോ​ലി​ക്കാ​രു​മാ​ണ് ​അ​പ്പോൾ​ ​ഹോ​ട്ട​ലി​ലു​ണ്ടാ​യി​രു​ന്ന​ത്.​ ​നെ​റ്റി​ ​മ​റ​ച്ച് ​തു​ണി​ ​ചു​റ്റി​ ​മു​തു​കിൽ​ ​ബാ​ഗു​മാ​യി​ ​ഉ​ള്ളിൽ​ക്ക​ട​ന്ന​ ​ഇ​യാൾ​ ​പെ​ട്ടെ​ന്ന് ​തോ​ക്കു​ചൂ​ണ്ടി​ ​എ​ല്ലാ​വ​രെ​യും​ ​ബ​ന്ദി​ക​ളാ​ക്കു​ക​യാ​യി​രു​ന്നു.​ ​കഫെയുടെ സമീപത്തുള്ള സ്ഥാപനങ്ങളിലുള്ള ജനങ്ങളെ ഒഴിപ്പിച്ച അധികൃതര്‍ പ്രദേശത്ത് സായുധ പൊലീസിനെ വിന്യസിച്ചിരുന്നു. സിഡ്നിക്കു മുകളിലൂടെയുള്ള വ്യോമഗതാഗതം നിരോധിക്കുകയും ചെയ്തിരുന്നു.


മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്
ചെയ്യുക. ഫേസ്ബുക്കിലും
ട്വിറ്ററിലും
പിന്തുടരുക.