ലണ്ടനില്‍ കാണാതായ മുംബൈക്കാരി പെണ്‍കുട്ടിയെ സ്കോട്ട്‌ലാന്‍ഡില്‍ കണ്ടെത്തി. 17കാരിയായ എമാന്‍ ഷാനെയാണ് കണ്ടെത്തിയത്. യുകെയില്‍ അവധിക്കാലം ആഘോഷിക്കുന്നതിനിടെയാണ് പെണ്‍കുട്ടിയെ കാണാതായത്.
ജൂണ്‍ 10നാണ് പെണ്‍കുട്ടിയെ കാണാതായത്. അന്ന് പെണ്‍കുട്ടിയുടെ കുടുംബവും ലണ്ടനില്‍ നിന്ന് മടങ്ങാനിരിക്കുകയായിരുന്നു. ഈ ദിവസം സെന്‍‌ട്രല്‍ ലണ്ടനിലെ ഓക്സ്ഫോഡ് സ്ട്രീറ്റില്‍ അമ്മയ്ക്കൊപ്പം ഷോപ്പിംഗ് നടത്തുന്ന പെണ്‍കുട്ടിയുടെ ദൃശ്യങ്ങള്‍ സിസിടിവി ക്യാമറയില്‍ പതിഞ്ഞിരുന്നു. എന്നാല്‍ പിന്നീട് പെണ്‍കുട്ടിയെ ആരും കണ്ടില്ല.
കാണാതാ‍കലിന്റെ കാരണം എന്താണെന്ന് വ്യക്തമായിട്ടില്ല. പൊലീസ് ഇതേക്കുറിച്ച് അന്വേഷിച്ചുവരികയാണ്. സ്കോട്ട്‌ലാന്‍ഡിലെ നോര്‍ത്തേണ്‍ പെര്‍ത്ത്ഷയറില്‍ നിന്നാണ് പെണ്‍കുട്ടിയെ സുരക്ഷിതയായി കണ്ടെത്തിയത്.
