മോഡലിങ് രംഗത്തു തിളങ്ങാൻ
സുന്ദരമായ മുഖം കൂടിയേ തീരൂ എന്നാണ് പലരും പറയുന്നത്. എന്നാല്‍

അത്തരം ചിന്താഗതികളെയൊക്കെ മാറ്റി മറയ്ക്കുകയാണ് മരിയാന മെൻഡെസ് എന്ന ഇരുപത്തിനാലുകാരി. വിജയകരമായാണ് മരിയാന ഇന്ന് മോഡലിങ് രംഗത്തു പ്രവർത്തിക്കുന്നത്. മരിയാനയുടെ മുഖത്ത് അസാധാരണ വലിപ്പത്തിലുള്ള ആ മറുകായിരുന്നു ഈ ഇരുപത്തിനാലുകാരിയുടെ ശാപം.

ബ്രസീൽ സ്വദേശിയായ മരിയാനയുടെ മൂക്കും വലത്തെകണ്ണും കവിളിന്റെ ഭാഗങ്ങളിലുമായി പടർന്നു കിടക്കുന്ന ആ കറുത്ത മറുക് കൂട്ടികാലം തൊട്ടേ അവളെ കളിയാക്കാന്‍ ഉള്ള ഒരു ഉപാതിയായിരുന്നു. പതിനായിരത്തിൽ ഒരാള്‍ക്ക് മാത്രം സംഭവിക്കുന്ന ഒരു പ്രത്യേകതരം മറുകായിരുന്നു അത്.

ആ മറുക് ഭാവിയില്‍ പ്രശനമാകുമോ എന്ന ഭയം മരിയാനയുടെ വീട്ടുക്കാരെ അലട്ടിയിരുന്നു. അഞ്ചാം വയസിൽ അവൾക്കൊരു ലേസർ സർജറിക്ക് വിധേയയാക്കി. പക്ഷേ ഏതാനും സെഷനുകൾ കഴിഞ്ഞപ്പോഴും മരിയാനയുടെ മറുകിന് കാര്യമായ മാറ്റമൊന്നും സംഭവിച്ചില്ല. മറുക് സൗന്ദര്യത്തിനൊരു കുറവായി തോന്നാത്ത മരിയാന മോഡലിങ്ങിന്റെ ലോകത്തേക്ക് കാലെടുത്തു വെയ്ക്കുകയായിരുന്നു.

ഞാൻ മറ്റുള്ളവരില്‍ നിന്നു വ്യത്യസ്തയായ വളരെ സുന്ദരിയായാണ് എനിക്കു തോന്നാറുളളത്, കാരണം എനിക്കൊരു മറുകുണ്ടല്ലോ. അതു തുറിച്ചു നോക്കുന്നവരും ഇഷ്ടപ്പെടാതെ നോക്കുന്നവരുമൊക്കെയുണ്ട്, പക്ഷേ അതൊന്നും എനിക്കൊരു പ്രശ്നമില്ല. ഞാൻ ഈ മറുകില്‍ അഭിമാനിക്കുന്നവളാണെന്നാണ് മരിയാന പറയുന്നത്.