കോഴിക്കോട്ട് പന്നിയങ്കരയില്‍ 1896 മെയ് മൂന്നിനു തലശ്ശേരി ബാറിലെ അഭിഭാഷകനും കടത്തനാട്ട് രാജാവിന്‍റെ മകനുമായ കൃഷ്ണക്കുറുപ്പിന്‍റേയും വെങ്ങാലില്‍ ലക്ഷ്മിക്കുട്ടിയമ്മയുടേയും മൂന്നാമത്തെ മകനായി ജനിച്ചു.
കൃഷ്ണ മേനോന് മദ്രാസ് പ്രസിഡന്‍സി കോളജില്‍ പഠിക്കുന്ന കാലത്തുതന്നെ ഡോ.ആനിബസന്‍റ് നേതൃത്വം നല്‍കിയ തിയോസൊഫിക്കല്‍ സൊസൈറ്റിയുടെയും ഹോംറൂള്‍ ലീഗിന്‍റെയും പ്രവര്‍ത്തനങ്ങളുമായി ബന്ധപ്പെട്ടു.
ഡോ.ആനിബസന്‍റ്, ഡോ.അരുണ്ഡേല്‍ എന്നിവരുടെ നേതൃത്വത്തില്‍ വിദ്യാഭ്യാസ പ്രവര്‍ത്തനങ്ങളില്‍ എര്‍പ്പെട്ടും ബോയ്സ്കൗട്ട് പ്രസ്ഥാനത്തില്‍ സജീവമായി ഏര്‍പ്പെട്ടും കഴിയവേ, മേനോന് ഇംഗ്ളണ്ടില്‍ പോയി പഠിക്കാന്‍ സൗകര്യം കിട്ടി.
1927 ല്‍ ലണ്ടന്‍ സ്കൂള്‍ ഓഫ് ഇക്കണോമിക്സില്‍ നിന്ന് ബിരുദം നേടി. സുപ്രസിദ്ധ സോഷ്യലിസ്റ്റ് ചിന്തകനായ പ്രൊഫസര്‍ ഹാരോള്‍ഡ് ലാസ്കിയായിരുന്നു ഗുരുനാഥന്‍.
