ടെന്നിസിലെ സൌന്ദര്യ റാണിക്ക് ഒരു മോഹം. അരുതാത്ത മോഹമൊന്നുമല്ല, സിനിമയില്‍ അഭിനയിക്കണം അത്രമാത്രം. നായകന്‍ ജയിംസ് ബോണ്ടാവണം എന്ന ഒറ്റ നിര്‍ബന്ധമേ ഉള്ളൂ ഈ ലോക രണ്ടാം നമ്പര്‍ താരത്തിന്!
ഷറപ്പോവയ്ക്ക് സിനിമയില്‍ അഭിനയിക്കണം എന്ന വാര്‍ത്ത പുറത്തു വിട്ടത് ഒരു അടുത്ത സുഹൃത്താണ്.
6 അടി 2 ഇഞ്ച് ഉയരമുള്ള ഷറപ്പോവ ജെയിംസ് ബോണ്ട് സിനിമകളുടെ കടുത്ത ആരാധികയാണ്. പുതിയ ജെയിംസ് ബോണ്ടായ ഡാനിയല്‍ ക്രൈഗിന്‍റെ ജോഡിയാകാന്‍ ഏറ്റവും അനുയോജ്യയാ‍ണ് താനെന്നും ഷറപ്പോവ കരുതുന്നു.
ബോണ്ടിന്‍റെ ജോലിയായ ചാരവൃത്തിയില്‍ താന്‍ മിടുക്കിയാണെന്ന വിശ്വാസം ഷറപ്പോവക്കുണ്ടെന്ന് പറഞ്ഞതായി സുഹൃത്ത് വെളിപ്പെടുത്തി.
ഒരവസരം നല്‍കുകയാണെങ്കില്‍ ഡാനിയല്‍ ക്രൈഗിന് ടെന്നീസ് പങ്കാളിയാക്കുമെന്ന് ഷറപ്പോവ തന്‍റെ വെബ്സൈറ്റില്‍ പറഞ്ഞിരുന്നു. മുന്‍ കെ.ജി.ബി ചാരനും റഷ്യന്‍ പ്രസിഡന്‍റുമായ പുട്ടിനെ ടെന്നീസ് പങ്കാളിയാക്കുകയാണ് രണ്ടാമത്തെ ആഗ്രഹമെന്നും ഷറപ്പോവ പറഞ്ഞു
