അനുബന്ധ വാര്ത്തകള്
- ഭക്ഷണത്തിനിടെ വെള്ളം കുടിക്കുന്നത് ഗുണമോ ദോഷമോ?
- ലൈംഗിക ബന്ധത്തിനിടെ കോണ്ടം പൊട്ടിയാല് അടിയന്തരമായി ചെയ്യേണ്ടത് എന്ത്?
- ഒരു ഗ്ലാസ് ചായയില് എത്ര അളവില് പഞ്ചസാര ചേര്ക്കണം?
- ഒരു ദിവസം എത്ര അളവ് മദ്യം കുടിക്കാം? പഠനം ഇങ്ങനെ
- അതിരാവിലെ വെറുംവയറ്റില് ഇളം ചൂടുവെള്ളം കുടിച്ചുനോക്കൂ, അല്പ്പം നാരങ്ങാനീരും ചേര്ക്കാം
കോവിഡ് വാക്സിന് സ്വീകരിച്ചവര് മദ്യപാനവും പുകവലിയും ഒഴിവാക്കണോ?
കോവിഡിനെതിരായ ബൂസ്റ്റര് ഡോസ് സ്വീകരിക്കുന്നതിന്റെ തിരക്കിലാണ് രാജ്യം. ദ്രുതഗതിയിലാണ് രാജ്യത്തെ വാക്സിന് യജ്ഞം മുന്നോട്ടു പോകുന്നത്. ബൂസ്റ്റര് ഡോസ് സ്വീകരിക്കുന്നവര് ആദ്യ രണ്ട് ഡോസ് വാക്സിന് സ്വീകരിച്ചപ്പോള് എടുത്ത മുന്കരുതലുകള് ഇത്തവണയും തുടരണം.
കോവിഡ് വാക്സിന് സ്വീകരിച്ചവര് കുറച്ചുദിവസത്തേക്ക് എങ്കിലും മദ്യപാനവും പുകവലിയും ഒഴിവാക്കാന് ശ്രദ്ധിക്കണം. മദ്യപാനം, പുകവലി, ഉറക്കക്കുറവ്, അമിത വ്യായാമം എന്നിവ കോവിഡ് വാക്സിന്റെ രോഗപ്രതിരോധ ശേഷിയെ ദുര്ബലമാക്കുമെന്നാണ് ആരോഗ്യവിദഗ്ധര് പറയുന്നത്.
പുകവലി ആന്റിബോഡിയുടെ ഫലം കുറയ്ക്കാന് കാരണമാകും. കൂടാതെ, വാക്സിനേഷനുശേഷം ശരീരത്തില് ആന്റിബോഡി രൂപപ്പെട്ടാലും പുകവലിക്കാത്തവരുമായി താരതമ്യം ചെയ്യുമ്പോള് പുകവലിക്കാരില് വളരെ പെട്ടെന്ന് അതിന്റെ സ്വാധീനം ക്ഷയിക്കുന്നതായി കണ്ടെത്തിയിട്ടുണ്ട്. വാക്സിന് എടുത്തതിനു ശേഷം ചുരുങ്ങിയത് രണ്ടാഴ്ചയെങ്കിലും പുകവലിയും മദ്യപാനവും ഒഴിവാക്കുന്നതാണ് നല്ലത്.
അതേസമയം, കോവിഡ് വാക്സിനും മദ്യപാനവും തമ്മില് നേരിട്ട് എന്തെങ്കിലും ബന്ധമുള്ളതായി ഇതുവരെ തെളിയിക്കപ്പെട്ടിട്ടില്ല. എന്നാല്, മദ്യപാനവും പുകവലിയും മനുഷ്യരുടെ രോഗപ്രതിരോധ സംവിധാനത്തെ ക്ഷയിപ്പിക്കും. കോവിഡ് വൈറസിനെ പൂര്ണമായും അകറ്റി നിര്ത്തണമെങ്കില് മദ്യപാനത്തിന്റെ പാര്ശ്വഫലങ്ങള്കൂടി മാറ്റി നിര്ത്തേണ്ടതുണ്ടെന്ന് ആരോഗ്യവിദഗ്ദര് ചൂണ്ടിക്കാണിക്കുന്നു.
