കരിമ്പനിയുടെ ലക്ഷണങ്ങള് എന്തെല്ലാം?
നിപയ്ക്ക് പിന്നാലെ കേരളത്തില് കരിമ്പനി സ്ഥിരീകരിച്ച വാര്ത്ത ഇന്നലെയാണ് പുറത്തുവന്നത്. തൃശൂര് വെള്ളിക്കുളങ്ങരയില് വയോധികനാണ് കരിമ്പനി സ്ഥിരീകരിച്ചത്. ഇദ്ദേഹം ഇപ്പോള് തൃശൂര് മെഡിക്കല് കോളേജില് ചികിത്സയിലാണ്.
വളരെയധികം കരുതലോടെ കാണേണ്ട പകര്ച്ചപ്പനിയാണ് കരിമ്പനി. മണലീച്ചകളാണ് കരിമ്പനി പരത്തുന്നത്. ഈ പ്രാണികള് പൊടിമണ്ണിലാണ് മുട്ടയിട്ട് വിരിയിക്കുന്നത്. ഇവയ്ക്ക് കൊതുകുകളുടെ മൂന്നിലൊന്ന് വലിപ്പമുണ്ടാകും. തൊലിപ്പുറത്തെ മുഴകളും പാടുകളുമായും ഈ രോഗം പ്രത്യക്ഷപ്പെടാം.
വിട്ടുമാറാത്ത പനി, രക്തക്കുറവ്, ക്ഷീണം, ശരീരഭാരം കുറയുക, തൊലിയില് വ്രണങ്ങള് കാണുക എന്നിവയാണ് പ്രധാന ലക്ഷണങ്ങള്.
