അനുബന്ധ വാര്ത്തകള്
- ഹെല്ത്ത് കെയര് എക്സലന്സ് പുരസ്കാരം കാസര്ഗോഡ് കിംസിന്
- "ഇരിക്കാനും നില്ക്കാനും വയ്യ, വയറുപൊട്ടിപ്പോകുന്നു, ശത്രുക്കള്ക്ക് പോലും ഈ അവസ്ഥ വരരുത്"; രോഗാവസ്ഥയെ കുറിച്ച് കണ്ണന് സാഗര്
- കുട്ടികളുടെ ആരോഗ്യ വിവരങ്ങൾക്ക് 104 ടോൾഫ്രീ നമ്പർ; ‘അക്ഷരം ആരോഗ്യം’ പദ്ധതി ഫെബ്രുവരി 6 മുതൽ
- ദിവസവും അഞ്ചുകിലോ മീറ്റര് നടക്കും, പുകവലിയും മദ്യപാനവുമില്ല, ആരോഗ്യകരമായ ഡയറ്റ്; 37കാരന് ഹൃദ്രോഗം വന്നതില് വിശദീകരണവുമായി ഡോക്ടര്
- ബിസ്കറ്റ് എത്രമാത്രം അപകടകാരിയാണെന്നോ?
ദുർബലമായ കാലുകൾ പ്രായം കൂടുന്നതിലും അപകടകരം, മുന്നറിയിപ്പുമായി ഡോക്ടറുടെ ഇൻസ്റ്റഗ്രാം പോസ്റ്റ്
പ്രായം കൂടുന്നതാണ് ശരീരശേഷി കുറയാനുള്ള പ്രധാന കാരണം എന്ന പൊതുധാരണ തെറ്റാണെന്ന് മുന്നറിയിപ്പുമായി ഹാര്വാര്ഡ് പരിശീലനം നേടിയ ഡോക്ടര് സൗരഭ് സേഠി. ഇന്സ്റ്റഗ്രാമില് പങ്കുവെച്ച പോസ്റ്റിലാണ് എയിംസിലും ഹാര്വാര്ഡിലുമായി പരിശീലനം നേടിയിട്ടുള്ള ഗ്യാസ്ട്രോഎന്ററോളജിസ്റ്റ് ഡോ. സൗരഭ് സേഠി ഇക്കാര്യം വ്യക്തമാക്കിയത്.
പ്രായമാകുന്നതല്ല നമ്മളെ ബാധിക്കുന്നത് ബലം കുറയുന്ന കാലുകളാണ് പ്രായമാകുമ്പോള് നടക്കാനടക്കം പലര്ക്കും ബുദ്ധിമുട്ട് അനുഭവപ്പെടാന് കാരണമെന്ന് ഡോ. സേഠി പറയുന്നു.കാലുകളിലെ പേശികള് ദുര്ബലമാകുന്നത് പതിയ സംഭവിക്കുന്നതിനാല് പലരുടെയും ശ്രദ്ധയില് പെടാറില്ല. അതിനാല് തന്നെ പ്രായം കൂടുന്നതാണ് പ്രശ്നമെന്ന് ആളുകള് കരുതുന്നു. ദുര്ബലമായ കാലുകള് വീഴ്ച സംഭവിക്കാനും അസ്ഥികള് പൊട്ടാനുമെല്ലാം കാരണമാകും.
കാലുകളുടെ ശക്തി വെറും ചലനത്തിന് മാത്രമല്ല, മൊത്തത്തിലുള്ള ശരീരത്തിന്റെ ആരോഗ്യവുമായി ബന്ധമുള്ളതാണെന്നാണ് ഡോക്ടര് പറയുന്നത്. ശരീരത്തിലെ ഏറ്റവും വലിയ പേശികള് അവിടെയാണ്. ഭക്ഷണത്തിന് ശേഷം രക്തത്തിലെ പഞ്ചസാര നിയന്ത്രിക്കുന്നതില് ഈ പേശികള്ക്ക് പങ്കുണ്ട്. ശക്തമായ കാലിലെ പേശികള് ഇന്സുലിന് സെന്സിറ്റിവിറ്റി മെച്ചപ്പെടുത്തുകയും അണുബാധ കുറയ്ക്കുകയും ചെയ്യുന്നു. കാലിലെ പേശികള് ദുര്ബലമാകുന്നത് ഫാറ്റി ലിവര് പോലുള്ള അവസ്ഥ മോശമാക്കാനും കാരണമാകും.
കാലുകളുടെ ശക്തി നിലനിര്ത്താന് ലളിതമായെങ്കിലും സ്ഥിരമായ വ്യായാമങ്ങള് അനിവാര്യമാണെന്നാണ് ഡോ. സേഠി നിര്ദേശിക്കുന്നത്. സ്ക്വാട്ട്സ്, ലഞ്ചസ് പോലുള്ള വ്യായാമം, നടപ്പ് എന്നിവ ദൈനംദിന പ്രവര്ത്തനക്ഷമത മെച്ചപ്പെടുത്തും. ആരോഗ്യം കണക്കാക്കാന് പ്രായം മാത്രമല്ല കാലുകള്ക്ക് എത്ര ബലമുണ്ട് എന്നതും നിര്ണായക സൂചികയായി കണക്കാക്കണമെന്ന സന്ദേശമാണ് ഡോ നല്കുന്നത്.
