അനുബന്ധ വാര്ത്തകള്
- ചൂടുകാലത്ത് പുറത്തിറങ്ങുമ്പോള് ഇക്കാര്യങ്ങള് ശ്രദ്ധിക്കണം
- രോഗപ്രതിരോധ ശേഷി കൂട്ടാന് ഇക്കാര്യങ്ങള് ചെയ്താല് മതി
- നിങ്ങള്ക്ക് ഈ ലക്ഷണങ്ങള് ഉണ്ടെങ്കില് ഉടന് ചികിത്സ തേടണം
- പ്രമേഹം വന്ധ്യതയ്ക്ക് കാരണമാകുമോ
- World Sleep Day 2023: ഉറങ്ങുന്നതിന് മുന്പ് കൂടുതല് കാര്ബോ ഹൈഡ്രേറ്റ് അടങ്ങിയ ഭക്ഷണം കഴിച്ചാല് ഉറക്കം വരില്ലേ
സ്ഥിരമായി രാത്രി 11 മണി കഴിഞ്ഞ് ഉറങ്ങുന്നവരാണോ നിങ്ങള്? ആരോഗ്യത്തെ അപകടത്തിലാക്കാന് അതുമതി !
മനുഷ്യന്റെ നല്ല ആരോഗ്യത്തിനു ഏറ്റവും പ്രധാനപ്പെട്ട ഒന്നാണ് ഉറക്കം. ഒരു ദിവസം കൃത്യമായി ഉറങ്ങി വിശ്രമിച്ചില്ലെങ്കില് നമുക്ക് പലവിധത്തിലുള്ള ആരോഗ്യപ്രശ്നങ്ങള് നേരിടാറില്ലേ? അതുകൊണ്ട് ഉറക്കവും ആരോഗ്യവും തമ്മില് വളരെ അടുത്ത ബന്ധമുണ്ടെന്ന് മനസിലാക്കുക.
ഉറക്കത്തിനു നേരവും കാലവും നോക്കണോ എന്ന് ചിന്തിക്കുന്നവര് നമുക്കിടയിലുണ്ട്. എന്നാല്, ഒരു ദിവസത്തെ നിയന്ത്രിക്കുന്നത് തന്നെ നിങ്ങളുടെ ഉറക്കമാണ്. ഉറക്കത്തെ ആശ്രയിച്ചിരിക്കും നിങ്ങളുടെ അന്നത്തെ എല്ലാ കാര്യങ്ങളും.
ഉറക്കത്തിനു കൃത്യമായ ഒരു ടൈം ടേബിള് ആദ്യം ഉണ്ടാക്കുക. രാത്രി 10 നും പുലര്ച്ചെ ആറിനും ഇടയിലുള്ള സമയം ഉറക്കത്തിനായി തിരഞ്ഞെടുക്കുന്നതാണ് നല്ലത്. രാത്രി ഏറെ വൈകി ഉറങ്ങുന്നതും രാവിലെ വളരെ വൈകി കിടക്കയില് നിന്ന് എഴുന്നേല്ക്കുന്നതും അത്ര നല്ല ശീലമല്ല. ഒരു ദിവസത്തെ പ്രവര്ത്തനങ്ങളെ മുഴുവന് താളം തെറ്റിക്കുന്നതാണ് രാവിലെ നേരം വൈകി എഴുന്നേല്ക്കുന്ന ശീലം.
പ്രായപൂര്ത്തിയായ ഒരു വ്യക്തി ദിവസവും ആറ് മുതല് എട്ട് മണിക്കൂര് വരെ നിര്ബന്ധമായും ഉറങ്ങിയിരിക്കണം. മനുഷ്യന്റെ ദഹനപ്രക്രിയയെ അടക്കം ഉറക്കം സ്വാധീനിക്കുന്നുണ്ട്. ഏറ്റവും ചുരുങ്ങിയത് ആറ് മണിക്കൂര് ഉറങ്ങാത്തവരില് ഉദരസംബന്ധമായ അസുഖങ്ങള് കാണപ്പെടുന്നു. കൃത്യമായ വിശ്രമം ഇല്ലാത്തത് കണ്ണുകളെയും സാരമായി ബാധിക്കും. രാത്രി ഏറെ വൈകിയും പഠിക്കുന്ന ശീലം വിദ്യാര്ഥികളും ഒഴിവാക്കുക. പകരം രാത്രി വേഗം കിടന്നുറങ്ങി രാവിലെ നേരത്തെ എഴുന്നേറ്റ് പഠിക്കുന്നത് കൂടുതല് പ്രയോജനപ്പെടും.
