അനുബന്ധ വാര്ത്തകള്
- ശരീര താപനില കൂടുന്നത് മാനസിക സമ്മര്ദ്ദം കൂട്ടും!
- ഈ ചൂടത്ത് കോഴിയിറച്ചി അധികം വേണ്ട !
- അനാരോഗ്യത്തിന്റെ ആദ്യലക്ഷണമാണ് മലബന്ധം; പഴങ്ങള് കഴിക്കുന്നത് മലബന്ധം തടയാന് സഹായിക്കുമോ?
- കമ്പ്യൂട്ടര് ജോലിയാണോ, അമിതവണ്ണം ഉണ്ടാകാന് സാധ്യത കൂടുതല്
- മഴക്കാലത്ത് സ്കൂള് കുട്ടികളില് അസുഖങ്ങള് കൂടും; മരുന്നില്ലാതെ പ്രതിരോധ ശേഷി കൂട്ടാന് ഈ ഭക്ഷണങ്ങള് കഴിക്കാം
ശരീരത്തില് എപ്പോഴും ചൂട് കൂടുതലാണോ, അത്ര നല്ലതല്ലെന്ന് പുതിയ പഠനം
ഉയര്ന്ന ശരീര താപനില വിഷാദരോഗവുമായി ബന്ധപ്പെട്ടിരിക്കുന്നുവെന്ന് പഠനം. ദി ജേണല് സയന്റിഫിക് റിപ്പോര്ട്ടിലാണ് പഠനം വന്നത്. ശരീരോഷ്മാവ് കുറയ്ക്കുന്നത് മാനസികാരോഗ്യത്തിന് നല്ലതാണെന്നും പഠനം പറയുന്നു. ലോകാരോഗ്യ സംഘടനയുടെ അഭിപ്രായത്തില് വിഷാദരോഗം വളരെ സാധാരണമായ മാനസികരോഗമാണ്. സന്തോഷമില്ലായ്മയും സ്ഥിരം ഉത്സാഹത്തോടെ ചെയ്യുന്നകാര്യങ്ങളില് പോലും താല്പര്യമില്ലായ്മയുമൊക്കെയാണ് പ്രധാന ലക്ഷണങ്ങള്. ഇത് കുടുംബബന്ധത്തിലും സമൂഹ ജീവിതത്തിലും ബുദ്ധിമുട്ടുകള് ഉണ്ടാക്കും. ആര്ക്കും വരാവുന്ന അസുഖമാണ് ഡിപ്രഷന്. ബന്ധങ്ങളിലെ തകര്ച്ചയോ മരണമോ അസുഖങ്ങളോ കാരണവും ഡിപ്രഷന് വരാം. കാരണങ്ങള് ഇല്ലാതെയും ഡിപ്രഷന് വരാം.
അതേസമയം ഊഷ്മാവ് കൂടുന്നതുകൊണ്ടോ ഡിപ്രഷന്വരുന്നതെന്നോ ഡിപ്രഷന് വരുന്നതുകൊണ്ടാണോ ഊഷ്മാവ് കൂടുന്നതെന്നോ കൃത്യമായി പഠനം പറയുന്നില്ല. അതേസമയം ഡിപ്രഷന് ഉള്ളവരില് ശരീരോഷ്മാവ് കൂടുതലാണെന്ന് കണ്ടെത്തിയിട്ടുണ്ട്. ഡിപ്രഷന് കാരണം ശരീരത്തിന് സ്വയം തണുക്കാനുള്ള ശേഷി നഷ്ടപ്പെടുന്നതുകൊണ്ടോ മെറ്റബോളിസം കൂടുന്നതുകൊണ്ടോ ആകാം ചൂടുകൂടുന്നത്. ചിലപ്പോള് രണ്ടും ചേര്ന്നുമാകാം ചൂട് കൂടുന്നതെന്ന് പഠനം പറയുന്നു. 106 രാജ്യങ്ങളിലെ 20000പേരിലാണ് പഠനം നടത്തിയത്.
