അനുബന്ധ വാര്ത്തകള്
- ഇടയ്ക്കിടെ തൊണ്ടയില് ഇന്ഫെക്ഷന് വരാറുണ്ടോ, എങ്കില് ഈ രോഗങ്ങളുടെ ലക്ഷണമാണ്
- ഈ മഞ്ഞ നിറത്തിലുള്ള അഞ്ച് സൂപ്പര് ഭക്ഷണങ്ങള് ഹൃദയത്തിലെ ബ്ലോക്കുകള് കുറയ്ക്കാന് സഹായിക്കും
- ദേഹത്ത് തിളച്ച വെള്ളം വീണാൽ ചെയ്യേണ്ടത്
- പുരുഷന്മാരിൽ പൊതുവായി കണ്ടുവരുന്ന ചില ആരോഗ്യ പ്രശ്നങ്ങൾ
- ഇത്തരക്കാര്ക്ക് ബ്രെസ്റ്റ് കാന്സറിനുള്ള സാധ്യത വളരെ കൂടുതല്!
വാഴപ്പഴത്തിന്റെ തൊലി ഇനി വലിച്ചെറിയേണ്ട, ഇക്കാര്യങ്ങള്ക്കായി ഉപയോഗിക്കാം
പലരും വാഴപ്പഴത്തിന്റെ തൊലി ഒരു പാഴ് വസ്തുവായാണ് കരുതുന്നത്. അതിനാല് തന്നെ പഴം കഴിച്ചശേഷം വലിച്ചെറിയാറാണ് പതിവ്. എന്നാല് വാഴപ്പഴത്തിന് ചില ആരോഗ്യ ഗുണങ്ങളും മറ്റു ചില ഉപയോഗങ്ങളും ഉണ്ടെന്നാണ് ആരോഗ്യ വിദഗ്ധര് പറയുന്നത്. വാഴപ്പഴത്തിന്റെ തൊലിയില് ധാരാളം ആന്റിഓക്സിഡന്റ് അടങ്ങിയിട്ടുണ്ട്. ഇത് ശരീരത്തിലെ അവയവങ്ങള്ക്കുണ്ടാകുന്ന ഫ്രീ റാഡിക്കല് ഡാമേജ് കുറയ്ക്കാന് സഹായിക്കും. കൂടാതെ ഇവയില് ഫൈറ്റോ കെമിക്കലുകള് അടങ്ങിയിട്ടുണ്ട്. ഇത് ഇന്ഫക്ഷന് ഉണ്ടാക്കുന്നത് തടയും.
മറ്റൊന്ന് ചര്മ്മത്തിലെ ഈര്പ്പം നിലനിര്ത്താന് ഈ തൊലി സഹായിക്കും. ഫേഷ്യല് മാസ്ക്കായി ബനാനയുടെ തൊലി ഉപയോഗിക്കാന് സാധിക്കും. ഇത് ചര്മ്മത്തില് ഉണ്ടാകുന്ന ചൊറിച്ചില്, ചുവപ്പ്, മുഖക്കുരു എന്നിവ കുറയ്ക്കാന് സഹായിക്കുന്നു. മുടി വളര്ച്ച ഉയര്ത്താനും വാഴപ്പഴത്തിന്റെ തൊലിക്ക് സാധിക്കും. ഇത് മുടിയുടെ ഈര്പ്പം നിലനിര്ത്തി തിളങ്ങാനും സഹായിക്കും. ഇതിനായി തലമുടിയില് വാഴപ്പഴത്തിന്റെ തൊലി കൊണ്ട് ഉരച്ചാല് മതി. 15 മുതല്30 മിനിറ്റ് വരെ ഇത് തുടരാം. ഇതിനോടൊപ്പം ഷാംപൂവും ഉപയോഗിക്കാം. ശേഷം കഴുകി കളയാം.
പഴത്തൊലിയില് ആന്റി ബാക്ടീരിയല് പദാര്ത്ഥങ്ങള് ഉള്ളതിനാല് പല്ലിന്റെ ആരോഗ്യത്തിനും പഴത്തൊലി ഉപയോഗിക്കാം. ഇതിനായി രണ്ടുമിനിറ്റ് പഴത്തൊലി പല്ലിലും മോണയിലും ഉരയ്ക്കുകയാണ് വേണ്ടത്.
