അനുബന്ധ വാര്ത്തകള്
- സിക്ക വൈറസ് ഗര്ഭിണികളില്; കുഞ്ഞിനെയും ബാധിക്കും
- സിക്ക വൈറസ് രോഗം പ്രതിരോധിക്കാനോ ചികിത്സിക്കാനോയുള്ള മരുന്ന് ലഭ്യമല്ല: ജാഗ്രത
- ലൈംഗിക ബന്ധത്തിലൂടെയും സിക്ക വൈറസ് പകരും; ശ്രദ്ധിക്കേണ്ട കാര്യങ്ങള്
- സിക്ക വൈറസിന് കാരണം പകല് കടിക്കുന്ന കൊതുക്; വേണം ജാഗ്രത
- സിക്ക വൈറസ്: സംസ്ഥാനത്തെ എല്ലാ ജില്ലകള്ക്കും ജാഗ്രതാ നിര്ദേശം
സിക്കയില് നിന്ന് രക്ഷനേടാനുള്ള പ്രധാന മാര്ഗ്ഗം ഇതാണ്
കൊതുകു കടിയില് നിന്നും രക്ഷനേടുകയാണ് സിക്കയെ പ്രതിരോധിക്കാനുള്ള പ്രധാന മാര്ഗം. പകല് സമയത്തും വൈകുന്നേരവും കൊതുക് കടിയില് നിന്ന് സംരക്ഷണം നേടുക എന്നത് വളരെ പ്രധാനമാണ്. ഗര്ഭിണികള്, ഗര്ഭത്തിനായി തയ്യാറെടുക്കുന്ന സ്ത്രീകള്, കൊച്ചുകുട്ടികള് എന്നിവര് കൊതുക് കടിയേല്ക്കാതെ ശ്രദ്ധിക്കണം. കൊതുകു കടിയില് നിന്നും വ്യക്തിഗത സംരക്ഷണം നേടണം. ജനാലകളും വാതിലുകളും കൊതുക് കടക്കാതെ സംരക്ഷിക്കണം.
കൊച്ചുകുട്ടികളും ഗര്ഭിണികളും പകല് സമയത്തോ വൈകുന്നേരമോ ഉറങ്ങുകയാണെങ്കില് കൊതുക് വലയ്ക്ക് കീഴില് ഉറങ്ങണം. കൊതുകിന്റെ ഉറവിട നശീകരണം പ്രധാനമാണ്. വെള്ളം കെട്ടിനില്ക്കാതെ വീടും പരിസരവും സ്ഥാപനങ്ങളും സംരക്ഷിക്കേണ്ടതാണ്. ഇന്ഡോര് പ്ലാന്റുകള്, ഫ്രിഡ്ജിന്റെ ഡ്രേ എന്നിവ ആഴ്ചയിലൊരിക്കല് വൃത്തിയാക്കാണം.
നിലവില് സിക്ക വൈറസ് രോഗം പ്രതിരോധിക്കാനോ ചികിത്സിക്കാനോയുള്ള മരുന്ന് ലഭ്യമല്ല. അനുബന്ധ ചികിത്സയാണ് നടത്തുന്നത്. രോഗ ലക്ഷണങ്ങളുള്ളവര് മതിയായ വിശ്രമമെടുക്കുകയും ധാരാളം വെള്ളം കുടിക്കുകയും വേണം. രോഗ ലക്ഷണങ്ങള് കൂടുന്നെങ്കില് ചികിത്സ തേടേണ്ടതാണ്. സിക്ക ബാധിത പ്രദേശത്തുള്ള ലക്ഷണമുള്ള ഗര്ഭിണികള് പരിശോധനയും ചികിത്സയും തേടേണ്ടതാണ്.
