ഇം​ഗ്ലീ​ഷ് ഫു​ട്ബോ​ൾ താ​രം വെ​യ്ൻ റൂ​ണിയെ പൊലീസ് അറസ്‌റ്റ് ചെയ്‌തു. മ​ദ്യ​പി​ച്ചു വാ​ഹ​ന​മോ​ടി​ച്ചതിനാണ് താരത്തെ ചെ​ഷ​യ​ർ പൊലീസ് പിടികൂടിയത്. വ്യാഴാഴ്‌ച വൈകിട്ടാണ് സംഭവം.

റൂണി മദ്യപിച്ചാണ് വാഹനം ഓടിക്കുന്നതെന്ന് മനസിലാക്കിയ പൊലീസ് വിം​സ്ലോ​യി​ലെ ആ​ൾ​ട്രി​ച്ചാം റോ​ഡി​ൽ വെച്ച് അദ്ദേഹത്തിന്റെ ഫോക്‍സ്‌വാഗണ്‍ കാര്‍ തടയുകയും പരിശോധനയ്‌ക്കു ശേഷം അറസ്‌റ്റ് ചെയ്യുകയുമായിരുന്നു.

റൂണിയെ സ്‌റ്റേഷനില്‍ എത്തിക്കുകയും മദ്യപിച്ച് വാഹനം ഓടിച്ചതിന് കേസ് രജിസ്റ്റര്‍ ചെയ്യുകയും ചെയ്‌തു. ഉടന്‍ തന്നെ അഭിഭാഷകന്‍ സ്‌റ്റേഷനില്‍ എത്തി. തുടര്‍ന്ന് ഈ ​മാ​സം ഒ​ടു​വി​ൽ കോ​ട​തി​യി​ൽ ഹാ​ജ​രാ​ക​ണ​മെ​ന്ന നി​ർ​ദേ​ശ​ത്തി​ൽ റൂണിയെ ജാ​മ്യ​ത്തി​ൽ വി​ട്ട​യച്ചു.

ക​ഴി​ഞ്ഞ മാ​സ​മാ​ണ് അ​ന്താ​രാ​ഷ്ട്ര ഫു​ട്ബോ​ളി​നോ​ട് റൂണി വി​ട​പ​റ​ഞ്ഞത്. ലോ​ക​ക​പ്പ് യോ​ഗ്യ​താ മ​ത്സ​ര​ത്തി​നു​ള്ള ടീ​മി​ൽ​നി​ന്ന് ത​ഴ​ഞ്ഞ​തി​നു പി​ന്നാ​ലെ​യാ​ണ് ഇംഗ്ലണ്ടിന്റെ എക്കാലത്തെയും മികച്ച ഗോൾ വേട്ടക്കാരന്‍ ബൂട്ടഴിച്ചത്. അ​ടു​ത്തി​ടെ മാ​ഞ്ച​സ്റ്റ​ർ യുണൈറ്റഡ് വി​ട്ട റൂ​ണി പ​ഴ​യ ത​ട്ട​ക​മാ​യ എ​വ​ർ​ട്ട​നി​ലേ​ക്ക് തി​രി​ച്ചു​പോ​യി​രു​ന്നു.