അനുബന്ധ വാര്ത്തകള്
- Spain vs France: ലാമിൻ യമാലിനെതിരെ ഡെംബെലെ, നേഷൻസ് ലീഗ് സെമിയിൽ ഇന്ന് കരുത്തരുടെ പോരാട്ടം
- ലമീൻ യമാൽ തുടരും, ബാഴ്സലോണയ്ക്ക് ഒപ്പം തന്നെ,2031 വരെ ദീർഘകാല കരാർ
- മെസ്സി- ബാഴ്സലോണ ആരാധകർക്ക് ഇനിയെന്ത് വേണം, ക്യാമ്പ് നൂവിൽ വെച്ച് ഫൈനലിസിമ?, യമാലും മെസ്സിയും നേർക്കുനേർ
- Lamine Yamal: ബാഴ്സലോണ തിരിച്ചുവരും,ഈ ക്ലബിനെ പഴയ പ്രതാപത്തിലേക്ക് എത്തിക്കുന്നത് വരെ ഞങ്ങൾ വിശ്രമിക്കില്ല: ലാമിൻ യമാൽ
- Barcelona vs Intermilan: അടിക്ക് അടി, തിരിച്ചടി, ഇത് കളിയല്ല സിനിമ തന്നെ, ചാമ്പ്യന്സ് ലീഗ് ആദ്യപാദ സെമിയില് ബാഴ്സലോണ- ഇന്റര്മിലാന് ത്രില്ലര് സമനിലയില്
Spain vs France: 'ഫ്രാന്സോ ഏത് ഫ്രാന്സ്'; ലാമിന് യമാല് കസറി, സ്പെയിന് ഫൈനലില്
22-ാം മിനിറ്റില് നിക്കോ വില്യംസിലൂടെ സ്പെയിന് ആണ് ഗോള്വേട്ടയ്ക്കു തുടക്കമിട്ടത്
Spain vs France
Spain vs France: യുവേഫ നാഷന്സ് ലീഗ് രണ്ടാം സെമി ഫൈനലില് കരുത്തരായ ഫ്രാന്സിനെ കീഴടക്കി സ്പെയിന്. ഗോള്മഴ പെയ്ത മത്സരത്തില് 5-4 നാണ് സ്പെയിന് ജയിച്ചത്. ഇരു ടീമുകളും ചേര്ന്ന് ഒന്പത് ഗോളുകള് സ്കോര് ചെയ്തു. ഇരട്ടഗോള് നേടിയ യുവതാരം ലാമിന് യമാല് ആണ് സ്പെയിനിനു വേണ്ടി കളത്തില് നിറഞ്ഞാടിയത്.
22-ാം മിനിറ്റില് നിക്കോ വില്യംസിലൂടെ സ്പെയിന് ആണ് ഗോള്വേട്ടയ്ക്കു തുടക്കമിട്ടത്. തൊട്ടുപിന്നാലെ മൈക്കിള് മെറീനോയുടെ ഗോളിലൂടെ സ്പെയിന്റെ ലീഡ് ഇരട്ടിയായി. ആദ്യ പകുതി കവിയുമ്പോള് സ്പെയിന് 2-0 ത്തിനു ലീഡ് ചെയ്യുകയായിരുന്നു. രണ്ടാം പകുതിയിലും സ്പെയിന് തന്നെ ആദ്യം സ്കോര് ചെയ്തു. 54-ാം മിനിറ്റില് സ്പെയിനിനു അനുകൂലമായി ലഭിച്ച പെനാല്റ്റി ലാമിന് യമാല് ലക്ഷ്യത്തിലെത്തിച്ചു. തൊട്ടടുത്ത മിനിറ്റില് പെഡ്രിയിലൂടെ നാലാം ഗോളും സ്പെയിന് കണ്ടെത്തി.
വന് മാര്ജിനില് ജയം ഉറപ്പിച്ച സ്പെയിന് പിന്നീട് പ്രതിരോധത്തിലേക്ക് നീങ്ങിയതോടെ ഫ്രാന്സ് ആക്രമിച്ചു കളിക്കാന് തുടങ്ങി. 59-ാം മിനിറ്റില് കിലിയന് എംബാപ്പെയുടെ പെനാല്റ്റി ഗോളിലൂടെ ഫ്രാന്സിന്റെ ആദ്യ മറുപടിയെത്തി. 67-ാം മിനിറ്റില് ലാമിന് യമാല് തന്റെ രണ്ടാം ഗോള് സ്വന്തമാക്കി സ്പെയിനിനെ 5-1 നു മുന്നിലെത്തിച്ചു.
അവസാന 30 മിനിറ്റില് ഫ്രാന്സ് നിറഞ്ഞാടുന്ന കാഴ്ചയാണ് പിന്നീട് കണ്ടത്. 79-ാം മിനിറ്റില് റയാന് ചെര്ക്കി, 84-ാം മിനിറ്റില് ഡാനി വിവിയനിലൂടെ സെല്ഫ് ഗോള്, മത്സരത്തിനു ഫൈനല് വിസില് മുഴങ്ങുന്നതിനു തൊട്ടുമുന്പ് കോലോ മുവാനി എന്നിവരിലൂടെ ഫ്രാന്സ് സ്കോര് ചെയ്തെങ്കിലും ഒരു ഗോളിനു പിന്നിലായി.
ജൂണ് ഒന്പത് ഞായറാഴ്ച നടക്കുന്ന ഫൈനലില് സ്പെയിന് പോര്ച്ചുഗലിനെ നേരിടും.
