ലോകകപ്പിനുള്ള അർജൻ്റീനൻ ടീമിൽ മാറ്റങ്ങളുണ്ടാകുമെന്ന സൂചന നൽകി പരിശീലകൻ സ്ജലോണി. നിലവിലെ 26 അംഗ സംഘത്തിലെ പല കളിക്കാരും ഫിറ്റ്നസ് വീണ്ടെടുക്കാത്തവരാണെന്ന് കോച്ച് പറയുന്നു. പ്രതിരോധ നിര താരം ക്രിസ്റ്റിയൻ റൊമേരോ, മുന്നേറ്റ നിര താരം നികോളാസ് കോൾസാലെസ്, ഡിബാല,അലസാൻഡ്രോ ഗോമസ് എന്നിവർ ഫിറ്റ്നസ് വീണ്ടെടുത്തുവരികയാണ്.

യുഎഇക്കെതിരായ മത്സരത്തിൽ ഇവർ കളിച്ചിരുന്നുല്ല. സ്ക്വാഡ് ലിസ്റ്റിൽ ഇനിയും തീരുമാനമെടുക്കാൻ സമയമുണ്ട്. അങ്ങനെ വേണ്ടിവരില്ല എന്ന് പ്രതീക്ഷിക്കാം. പക്ഷേ അതിന് സാധ്യതയുണ്ട്. യുഎഇക്കെതിരായ മത്സരശേഷം സ്കലോണി പറഞ്ഞു. ഓരോ ടീമുകൾക്കും അവരുടെ ലോകകപ്പിലെ ആദ്യ മത്സരത്തിന് 24 മണിക്കൂർ മുൻപ് സ്ക്വാഡിൽ മാറ്റം വരുത്താം. നവംബർ 22നാണ് ലോകകപ്പിലെ അർജൻ്റീനയുടെ ആദ്യ മത്സരം.