അനുബന്ധ വാര്ത്തകള്
- "മറ്റ് ടീമുകൾ പേടിക്കണം" :പരിക്ക് ഭേദമാകുന്നു, ഫ്രഞ്ച് ടീമിലേക്ക് കരിം ബെൻസേമ തിരിച്ചെത്തിയേക്കുമെന്ന് സൂചന
- റൊണാൾഡോ ഗോളടിച്ചെന്നാണ് ഞാൻ കരുതിയത്, ശ്രമിച്ചത് പന്ത് പാസ് ചെയ്യാൻ : ബ്രൂണോ ഫെർണാണ്ടസ്
- ഖത്തര് ലോകകപ്പ്: പ്രീ ക്വാര്ട്ടറില് കയറിയ ടീമുകള് ഏതൊക്കെ
- 'എന്റെ തലയില് ഉരസിയിട്ടാണ് പന്ത് പോയത്'; ബ്രൂണോയുടെ ഗോളിന് വേണ്ടി മത്സരശേഷം റഫറിയോട് വാദിച്ച് റൊണാള്ഡോ (വീഡിയോ)
- പി.എസ്.ജി. വിട്ട് മെസി ഇന്റര് മിയാമിയിലേക്കോ? പുതിയ വിവരങ്ങള് പുറത്ത്
'ഞാന് നേടിയ ഗോളാണ് അത്, എന്റെ തല തട്ടിയിട്ടുണ്ട്, ഫിഫയോട് ചോദിക്കൂ'; റൊണാള്ഡോ മാനേജറോട് ആവശ്യപ്പെട്ടതായി വെളിപ്പെടുത്തല്
മാനേജര് പിയേഴ്സ് മോര്ഗനോട് ആ ഗോളിനായി ഫിഫയോട് അവകാശവാദമുന്നയിക്കണമെന്ന് റൊണാള്ഡോ ആവശ്യപ്പെട്ടെന്നാണ് അലക്സി ലാലാസിന്റെ വെളിപ്പെടുത്തല്
ഉറുഗ്വായ്ക്കെതിരായ മത്സരത്തില് പോര്ച്ചുഗല് താരം ബ്രൂണോ ഫെര്ണാണ്ടസ് നേടിയ ഗോള് തന്റേതാണെന്ന് പോര്ച്ചുഗല് നായകന് ക്രിസ്റ്റ്യാനോ റൊണാള്ഡോ അവകാശവാദമുന്നയിച്ചതായി റിപ്പോര്ട്ട്. ഉറുഗ്വായിയെ എതിരില്ലാത്ത രണ്ട് ഗോളിനാണ് പോര്ച്ചുഗല് തോല്പ്പിച്ചത്. രണ്ട് ഗോളുകളും നേടിയതാണ് ബ്രൂണോ ഫെര്ണാണ്ടസാണ്. 54-ാം മിനിറ്റില് ബ്രൂണോ നേടിയ ഗോളില് തന്റെ ടച്ചുണ്ടെന്നാണ് റൊണാള്ഡോ അവകാശവാദമുന്നയിച്ചത്.
അലക്സി ലാലാസ് ഇക്കാര്യം വെളിപ്പെടുത്തിയത്. മാനേജര് പിയേഴ്സ് മോര്ഗനോട് ആ ഗോളിനായി ഫിഫയോട് അവകാശവാദമുന്നയിക്കണമെന്ന് റൊണാള്ഡോ ആവശ്യപ്പെട്ടെന്നാണ് അലക്സി ലാലാസിന്റെ വെളിപ്പെടുത്തല്.
' ആ സമയത്ത് ഞാന് പിയേഴ്സ് മോര്ഗനൊപ്പം ഉണ്ടായിരുന്നു. ആ ഗോളിന് വേണ്ടി അവകാശവാദമുന്നയിക്കാന് റൊണാള്ഡോ തന്നോട് ആവശ്യപ്പെട്ടെന്ന് മോര്ഗനാണ് എന്നോടു പറഞ്ഞു. ലോക്കര് റൂമില് നിന്നാണ് റൊണാള്ഡോ മെസേജ് അയച്ചത്. തന്റെ തലയില് പന്ത് തട്ടിയെന്ന് ബലമായ സംശയമുണ്ട്. അതുകൊണ്ട് ആ ഗോളിന് വേണ്ടി ഫിഫയോട് അവകാശവാദമുന്നയിക്കണമെന്നായിരുന്നു ആവശ്യം,' അലക്സി വെളിപ്പെടുത്തി.
