അനുബന്ധ വാര്ത്തകള്
- കേമനാര് ഇറ്റലിയോ അർജന്റീനയോ? വമ്പൻ ഫുട്ബോൾ പോരിന് അരങ്ങൊരുങ്ങുന്നു
- പിഎസ്ജി ജേഴ്സിയിൽ മെസ്സിയുടെ ആദ്യ ഗോൾ, ചാമ്പ്യൻസ് ലീഗിൽ മാഞ്ചസ്റ്റർ സിറ്റിയെ തകർത്ത് പിഎസ്ജി
- പിഎസ്ജിക്ക് സമനില, വിജയം കൊയ്ത് റയൽ മാഡ്രിഡും ലിവർപൂളും മാഞ്ചസ്റ്റർ സിറ്റിയും
- എല്ലാ കണ്ണുകളും മെസിയിലേക്ക്: ചാമ്പ്യൻസ് ലീഗിൽ പിഎസ്ജി ഇന്നിറങ്ങുന്നു
- "രാജാവെത്തി, രാജ്യം ചുവന്നു": ഓൾഡ് ട്രാഫോർഡിലേക്കുള്ള തിരിച്ചുവരവ് ആഘോഷമാക്കി റൊണാൾഡോ
"അടി, തിരിച്ചടി": ആൻഫീൽഡിൽ ഇഞ്ചോടിച്ച് പൊരുതി സിറ്റിയും ലിവർപൂളും, സമനില
ഇംഗ്ലീഷ് പ്രീമിയർ ലീഗിലെ വമ്പൻമാരുടെ പോരാട്ടം സമനിലയിൽ. തുടക്കം മുതൽ അവസാന വിസിൽ വരെ ആവേശമുയർത്തിയ മത്സരം 2-2നാണ് അവസാനിച്ചത്. 59ആം മിനിറ്റിൽ സാദിയോ മാനെ 76ആം മിനിറ്റിൽ മുഹമ്മദ് സല എന്നിവരാണ് ലിവർപൂളിനായി വലക്കുലുക്കിയത്. സിറ്റിക്കായി ഫിൽ ഫോശൻ(69) കെവിൻ ഡിബ്രൂയ്നെ (81) എന്നിവരും വല കുലുക്കി.
ആവേശം നിറഞ്ഞ മത്സരത്തിന്റെ ആദ്യപകുതിയിൽ മാഞ്ചസ്റ്റർ സിറ്റിയുടെ സമ്പൂർണമായ ആധിപത്യമാണ് കാണാനായത്. തുടരെ ആക്രമണങ്ങൾ അഴിച്ചുവിട്ടെങ്കിലും സ്കോർ ചെയ്യാൻ സിറ്റി താരങ്ങൾക്കായില്ല. രണ്ടാം പകുതിയിൽ ലിവർപൂൾ തങ്ങളുടെ കരുത്ത് പ്രകടിപ്പിച്ചതോടെ മത്സരം തുല്യശക്തികൾ തമ്മിലായി. 59ആം മിനിറ്റിൽ സാദിയോ മാനെ ലിവർപൂളിനെ മുന്നിലെത്തിക്കുകയും ചെയ്തു. എന്നാൽ 69ആം മിനിറ്റിൽ ഫിൽ ഫോഡനിലൂടെ സിറ്റി തിരിച്ചടിച്ചു.
76ആം മിനിറ്റിൽ ചാമ്പ്യൻഷിപ്പിലെ തന്നെ ഏറ്റവും മികച്ചൊരു ഗോളിലൂടെ ലിവർപൂളിന്റെ മുഹമ്മദ് സല ലീഡ് ഉയർത്തി. എന്നാൽ 81ആം മിനിറ്റിൽ കെവിൻ ഡിബ്രൂയ്നയുടെ ലോങ് റേഞ്ചറിലൂടെ സിറ്റി സമനില പിടിച്ചു. മത്സരം അവസാനിക്കാൻ നിമിഷങ്ങൾ ബാക്കി നിൽക്കെ ലിവർപൂളിന്റെ ഫാബീന്യോയ്ക്ക് സുവർണാവസരം കിട്ടിയെങ്കിലും താരത്തിന്റെ ഷോട്ട് സിറ്റി പ്രതിരോധതാരം റൂബൻ ഡയസ് രക്ഷപ്പെടുത്തി.
