അനുബന്ധ വാര്ത്തകള്
- യുവന്റസിനെ വീഴ്ത്തി ഇറ്റാലിയൻ കപ്പ് നാപ്പോളിക്ക്, ഇംഗ്ലീഷ് പ്രീമിയർ ലീഗിന് തുടക്കം
- ഫ്ലോയിഡിന്റെ സംസ്കാര ചിലവ് ഏറ്റെടുത്ത് മെയ്വെതർ, കൊലപാതകത്തിൽ പ്രതിഷേധം അറിയിച്ച് കായികലോകം
- ഇംഗ്ലീഷ് പ്രീമിയർ ലീഗ് ജൂൺ 17ന് പുനരാരംഭിക്കുമെന്ന് റിപ്പോർട്ട്
- ലിവർപൂളിൽ എത്തുന്നതിന് മുൻപ് ക്ലോപ്പ് തള്ളിയത് ഈ ടീമിൽ നിന്നുമുള്ള ഓഫർ!
- മുൻ ലിവർപൂൾ താരവും മാനേജറുമായിരുന്ന കെന്നി ഡാൽഗ്ലിഷിന് കൊവിഡ്
30 വർഷത്തെ കാത്തിരിപ്പിന് വിരാമം,പ്രീമിയർ ലീഗ് കിരീടം ചെമ്പടയ്ക്ക്
30 വർഷത്തെ ഇടവേളയ്ക്ക് ശേഷം ഇംഗ്ലീഷ് പ്രീമിയർ ലീഗ് കിരീടം സ്വന്തമാക്കി ലിവർപൂൾ.പുലർച്ചെ നടന്ന മത്സരത്തിൽ ചെല്സി മാഞ്ചസ്റ്റര് സിറ്റിയെ തോല്പ്പിച്ചതോടെയാണ് ലിവര്പൂള് കിരീടം ഉറപ്പിച്ചത്.നേരത്തെ ക്രിസ്റ്റൽ പാലസിനെ എതിരില്ലാത്ത നാല് ഗോളുകൾക്ക് തോൽപ്പിച്ചതോടെ പോയിന്റ് പട്ടികയിൽ ലിവർപൂൾ ഏറെ മുന്നോട്ട് പോയിരുന്നു.
ലീഗില് ഏഴ് മത്സരങ്ങള് ബാക്കി നില്ക്കെയാണ് ലിവര്പൂള് പ്രീമിയര് ലീഗ് കിരീടം നേടിയത്.രണ്ടാം സ്ഥാനത്തുള്ള മാഞ്ചസ്റ്റർ സിറ്റിയേക്കാൾ 22 പോയിന്റ് ലീഡ് ലിവർപൂളിനുണ്ട്.31 മത്സരങ്ങളില് നിന്ന് 86 പോയിന്റാണ് യൂർഗർ ക്ലോപ്പിന്റെ സംഘത്തിനുള്ളത്. ക്രിസ്റ്റൽ പാലസിനെതിരായ ലിവർപൂളിന്റെ കഴിഞ്ഞ മത്സരത്തിൽ ട്രെന്റ് അലക്സാണ്ടര് അര്നോള്ഡ്, മുഹമ്മദ് സലാ, ഫാബീഞ്ഞോ, സാദിയോ മാനെ എന്നിവരാണ് ലിവർപൂളിനായി ഗോൾ നേടിയത്.
ഈ സീസണിൽ ഇതുവരെ ഒരു മത്സരത്തിലാണ് ലിവർപൂൾ പരാജയപ്പെട്ടത്.കഴിഞ്ഞ തവണ ലിവര്പൂളിന് ചാമ്പ്യൻസ് ലീഗ് നേടികൊടുത്ത ക്ലോപ്പിന് ഏറെ കാലമായി ലിവർപൂൾ ആരാധകർ കാത്തിരുന്ന പ്രീമിയർ ലീഗ് കിരീടവും നേടികൊടുക്കാനായി.
