അനുബന്ധ വാര്ത്തകള്
- ഐഎസ്എൽ : കുറ്റം മൊത്തം ഇവാന്, വിലക്ക് നേരിടേണ്ടി വരുമെന്ന് സൂചന
- ആശാനൊപ്പം ഉറച്ച് തന്നെ, ബലിയാടാക്കാൻ സമ്മതിക്കില്ല: ബ്ലാസ്റ്റേഴ്സ് മാനേജ്മെൻ്റിന് മുന്നറിയിപ്പുമായി മഞ്ഞപ്പട
- ബ്ലാസ്റ്റേഴ്സിനെ വിലക്കിയാൽ അത് ലീഗിനെ ബാധിക്കും, എഐഎഫ്എഫിനെ സമീപിച്ച് ഐഎസ്എൽ സംഘാടകർ
- ലോക ടെസ്റ്റ് ചാമ്പ്യൻഷിപ്പ് ഫൈനലിൽ രാഹുലും ഇന്ത്യയ്ക്കൊപ്പം വേണം : പോണ്ടിംഗ്
- അഹമ്മദാബാദ് ടെസ്റ്റില് തോറ്റാല് ഇന്ത്യ ലോക ടെസ്റ്റ് ചാംപ്യന്ഷിപ്പ് ഫൈനല് കാണാതെ പുറത്താകുമോ?
ഐഎസ്എൽ ഫൈനലിൽ ബെംഗളുരു എഫ്സിക്ക് കണ്ണീർ, ആഘോഷമാക്കി ബ്ലാസ്റ്റേഴ്സ് ആരാധകർ
ആർത്തിരമ്പിയ ആരാധകകൂട്ടത്തെ ആവേശത്തിൽ ആറാടിച്ചു കൊണ്ട് ഇന്ത്യൻ സൂപ്പർ ലീഗ് കിരീടത്തിൽ മുത്തമിട്ട് എടികെ മോഹൻ ബഗാൻ. ആവേശം അവസാന നിമിഷവും കടന്ന് ഷൂട്ടൗട്ടിലേക്കെത്തിച്ച ഫൈനലിൽ പെനാൽട്ടി ഷൂട്ടൗട്ടിലൂടെയാണ് ബഗാൻ ബെംഗളുരു എഫ്സിയെ തകർത്തെറിഞ്ഞത്. എടികെയുടെ നാലാമത്തെ ഐഎസ്എൽ കിരീടമാണിത്.
നിശ്ചിതസമയത്തും അധിക സമയത്തും ഇരുടീമുകളിൽ 2-2 എന്ന നിലയിൽ സമനില പാലിച്ചതോടെയാണ് മത്സരം ഷൂട്ടൗട്ടിലേക്ക് നീങ്ങിയത്. ഷൂട്ടൗട്ടിൽ 4-3 എന്ന സ്കോറിലാണ് മോഹൻ ബഗാൻ്റെ വിജയം. നിശ്ചിത സമയത്ത് മോഹൻ ബഗാനായി ദിമിത്രി പെട്രറ്റോസാണ് 2 ഗോളുകളും നേടിയത്. ബെംഗളുരുവിനായി സുനിൽ ഛേത്രിയും റോയ് കൃഷ്ണയും ഗോൾ നേടി.
പെനാൽറ്റി ഷൂട്ടൗട്ടിൽ മോഹൻ ബഗാനായി പെട്രറ്റോസ്, ലിസ്റ്റൺ,കൊളാസോ,കിയാൻ,മൻവീർ സിംഗ് എന്നിവർ ലക്ഷ്യം കണ്ടപ്പോൾ ബെംഗളുരുവിനായി അലൻ കോസ്റ്റ,സുനിൽ ഛേത്രി, റോയ് കൃഷ്ണ എന്നിവരാണ് വലകുലുക്കിയത്. ബെംഗളുരുവിന് കിരീടം നഷ്ടമായത് ആഘോഷത്തോടെയാണ് ബ്ലാസ്റ്റേഴ്സ് ആരാധകർ സ്വീകരിച്ചിരിക്കുന്നത്. നോക്കൗട്ടിൽ ബെംഗളുരുവുമായുള്ള മത്സരത്തിനെ തുടർന്നുണ്ടായ വിവാദങ്ങളെ തുടർന്ന് ബെംഗളുരു എഫ് സിക്കെതിരെ ബ്ലാസ്റ്റേഴ്സ് ആരാധകർ രംഗത്തെത്തിയിരുന്നു. അതിനാൽ തന്നെ എടികെയുടെ വിജയം സമൂഹമാധ്യമങ്ങളിൽ ആഘോഷമാക്കിയിരിക്കുകയാണ് ബ്ലാസ്റ്റേഴ്സ് ആരാധകർ.
