അനുബന്ധ വാര്ത്തകള്
- ഇന്ത്യ പേടിക്കണം; അഹമ്മദാബാദ് ടെസ്റ്റിലും ഓസ്ട്രേലിയയെ നയിക്കുക സ്മിത്ത്
- നീ നമ്മുടെ പാരമ്പര്യം കാത്തു, വനിതാ ഐപിഎല്ലിൽ ആർസിബിക്ക് നേരെ ട്രോൾ മഴ
- ഐപിഎല്ലില് മാത്രമല്ല വുമണ് പ്രീമിയര് ലീഗിലും എയറില് തന്നെ ! ആര്സിബി വനിതകള്ക്ക് തുടര്ച്ചയായ രണ്ടാം തോല്വി
- കോലി ശക്തമായി തിരിച്ചെത്തും, കൈവിടാതെ പോണ്ടിംഗ്
- പരിക്ക് തിന്നുന്ന കരിയർ, ഷെയ്ൻ ബോണ്ടിൻ്റെയും ആർച്ചറിൻ്റെയും വഴിയെ ബുമ്രയും
അഹമ്മദാബാദ് ടെസ്റ്റില് തോറ്റാല് ഇന്ത്യ ലോക ടെസ്റ്റ് ചാംപ്യന്ഷിപ്പ് ഫൈനല് കാണാതെ പുറത്താകുമോ?
അഹമ്മദാബാദ് ടെസ്റ്റില് ഇന്ത്യ ജയിച്ചാല് ഓസ്ട്രേലിയയ്ക്കൊപ്പം ഇന്ത്യ ലോക ടെസ്റ്റ് ചാംപ്യന്ഷിപ്പിന്റെ ഫൈനല് കളിക്കും
ഓസ്ട്രേലിയ മാത്രമാണ് നിലവില് ലോക ടെസ്റ്റ് ചാംപ്യന്ഷിപ്പ് ഫൈനലില് ഇടംപിടിച്ചുള്ള ടീം. ആരായിരിക്കും ഓസ്ട്രേലിയയുടെ എതിരാളികളില് എന്നറിയാന് കുറച്ച് കൂടി കാത്തിരിക്കണം. നിലവിലെ സാഹചര്യത്തില് ലോക ടെസ്റ്റ് ചാംപ്യന്ഷിപ്പ് ഫൈനലില് പ്രവേശിക്കാന് ഇന്ത്യക്ക് സാധ്യത കൂടുതലാണ്. ബോര്ഡര്-ഗാവസ്കര് ട്രോഫിയിലെ നാലാം ടെസ്റ്റ് ജയിക്കണമെന്ന് മാത്രം. മാര്ച്ച് ഒന്പത് മുതല് 13 വരെ അഹമ്മദാബാദിലാണ് ഇന്ത്യ-ഓസ്ട്രേലിയ നാലാം ടെസ്റ്റ് നടക്കുക.
അഹമ്മദാബാദ് ടെസ്റ്റില് ഇന്ത്യ ജയിച്ചാല് ഓസ്ട്രേലിയയ്ക്കൊപ്പം ഇന്ത്യ ലോക ടെസ്റ്റ് ചാംപ്യന്ഷിപ്പിന്റെ ഫൈനല് കളിക്കും. അതേസമയം, മത്സരം തോല്ക്കുകയോ സമനിലയിലാകുകയോ ചെയ്താല് ഇന്ത്യയുടെ കാര്യം പരുങ്ങലിലാകും. പിന്നീട് ശ്രീലങ്ക- ന്യൂസിലന്ഡ് ടെസ്റ്റ് പരമ്പരയിലെ കാര്യങ്ങളാകും ഫൈനലിസ്റ്റിനെ തീരുമാനിക്കുക.
അഹമ്മദാബാദില് നടക്കുന്ന നാലാം ടെസ്റ്റില് ഇന്ത്യ പരാജയപ്പെടുകയും ശ്രീലങ്ക ന്യൂസിലന്ഡിനെതിരായ 2 ടെസ്റ്റ് മത്സരങ്ങളും വിജയിക്കുകയും ചെയ്താല് ഇന്ത്യ പുറത്താവുകയും ശ്രീലങ്ക ഫൈനലിലേക്ക് യോഗ്യത നേടുകയും ചെയ്യും. അതേസമയം ശ്രീലങ്കയ്ക്കെതിരായ ടെസ്റ്റ് പരമ്പരയില് ന്യൂസിലന്ഡ് ജയിച്ചാല് കാര്യങ്ങള് ഇന്ത്യക്ക് അനുകൂലമാകും.
