അനുബന്ധ വാര്ത്തകള്
- താൻ സ്വവർഗാനുരാഗിയെന്ന് വെളിപ്പെടുത്തി കാസിയസ്, പിന്നാലെ ട്വീറ്റ് പിൻവലിച്ചു
- ഗോൾ വരൾച്ചയ്ക്ക് അറുതി, ക്ലബ് ഫുട്ബോളിൽ 700 ഗോളുകളെന്ന ചരിത്രനേട്ടം കുറിച്ച് റൊണാൾഡോ
- ഇന്ത്യ- ദക്ഷിണാഫ്രിക്ക രണ്ടാം ഏകദിനം ഇന്ന്, പരിക്കേറ്റ ദീപക് ചാഹറിന് പകരം വാഷിങ്ടൺ സുന്ദർ കളിക്കും
- ചുമലുകൾ മറയ്ക്കുന്ന വസ്ത്രം, സ്ലീവ് ലെസും ഷോർട്ട്സും പാടില്ല, പൊതുസ്ഥലത്ത് മദ്യപാനം പാടില്ല: ഖത്തർ ലോകകപ്പിനെത്തുന്നവർ ശ്രദ്ധിക്കേണ്ടത്
- ഒടുവിൽ സ്ഥിരീകരണമായി, ടി20 ലോകകപ്പ് ടീമിൽ നിന്ന് ജസ്പ്രീത് ബുമ്ര പുറത്ത്
അർജൻ്റീനയുടെ ലോകകപ്പ് സ്വപ്നങ്ങൾക്ക് മേലെ കരിനിഴൽ, ഏയ്ഞ്ചൽ ഡി മരിയക്ക് പരിക്ക് : ലോകകപ്പ് നഷ്ടമായേക്കും
ചാമ്പ്യൻസ് ലീഗിൽ മക്കാബി ഫൈഫയ്ക്കെതിരായ മത്സരത്തിൽ അർജൻ്റൈൻ സൂപ്പർ താരം ഏയ്ഞ്ചൽ ഡി മരിയക്ക് പരിക്ക്. മത്സരത്തിൻ്റെ 24ആം മിനിറ്റിലാണ് ഏയ്ഞ്ചൽ ഡി മരിയ പരിക്കേറ്റ് ഗ്രൗണ്ട് വിട്ടത്. ഇതോടെ ആശങ്കയിലായിരിക്കുകയാണ് ലോകമെങ്ങുമുള്ള അർജൻ്റൈൻ ആരാധകർ.
വലതുകാൽ തുടയിലെ പരിക്കിനെ തുടർന്ന് കരഞ്ഞുകൊണ്ടാണ് അർജൻ്റൈൻ താരം ഗ്രൗണ്ട് വിട്ടത്. ലോകകപ്പ് തൊട്ടരികിൽ നിൽക്കെ ടീമിലെ സീനിയർ താരത്തിന് പരിക്കേറ്റത് അർജൻ്റീനയെ ആശങ്കയിലാക്കുന്നു. ഡിബാലയുടെ പരിക്ക് അർജൻ്റീനയ്ക്ക് ഭീഷണിയായി നിൽക്കുമ്പോഴാണ് ഡി മരിയയിലൂടെ മറ്റൊരു തിരിച്ചടി.
നവംബർ 22ന് സൗദിക്കെതിരെയാണ് അർജൻ്റീനയുടെ ആദ്യ മത്സരം. നവംബർ 27ന് മെക്സിക്കോയെയും ഡിസംബർ ഒന്നിന് പോളണ്ടിനെയും അർജൻ്റീന നേരിടും. മരിയയുടെ പരിക്കിനെ പറ്റി കൂടുതൽ വിവരങ്ങൾ വ്യക്തമല്ല. ലോകകപ്പിൻ്റെ സമയമാകുമ്പോഴേക്കും താരത്തിന് തിരിച്ചെത്താനാകും എന്ന പ്രതീക്ഷയിലാണ് ആരാധകർ.
