സത്യരാജിന്‍റെ കഥാപാത്രത്തെ അവതരിപ്പിച്ചുകൊണ്ടാണ് തലൈവാ ആരംഭിക്കുന്നത്. പിന്നീട് കഥ ഓസ്ട്രേലിയയിലേക്ക് ഫോക്കസ് ചെയ്യുകയാണ്. അവിടെയാണ് വിജയുടെ ഇന്‍ട്രൊഡക്ഷന്‍. അടിപൊളി ഒരു ഡാന്‍സ് സീക്വന്‍സാണ് പിന്നീട്.
ആദ്യ പകുതി തമാശയും കാര്യങ്ങളും ലവ് ട്രാക്കും ഒക്കെയാ‍യി കാര്യങ്ങള്‍ മുന്നോട്ടുപോകുന്നു. ഗാനരംഗങ്ങളെല്ലാം ഗംഭീരമാണ്. അമലാ പോളും സന്താനവും തകര്‍പ്പന്‍ പ്രകടനമാണ് നല്‍കുന്നത്. കഥ മുംബൈയിലേക്ക് തിരിച്ചെത്തുന്നതോടെ കാര്യങ്ങള്‍ സീരിയസാകുന്നു.
രണ്ടാം പകുതിയില്‍ ചിത്രത്തിന് കുറച്ച് ഇഴച്ചില്‍ അനുഭവപ്പെടും. ഒട്ടും യോജ്യമല്ലാത്ത ഒരു വില്ലന്‍ കഥാപാത്രവും അനാവശ്യമായി ഉള്‍പ്പെടുത്തിയ ഒരു രണ്ടാം നായികയും കുറച്ച് വിരസതയുണ്ടാക്കും. എന്നാല്‍ വേഗം തന്നെ ചിത്രം ട്രാക്കിലേക്ക് തിരിച്ചെത്തുന്നു.
