തമിഴ്നാട്ടിലൊഴികെ മറ്റെല്ലായിടങ്ങളിലും ഒരു വിജയ് ചിത്രം റിലീസാകുക. തമിഴ്നാട്ടിലെ വിജയ് ഫാന്‍സിനെ സംബന്ധിച്ച് സഹിക്കാനാകാത്ത കാര്യമാണത്. എന്നാല്‍ അങ്ങനെയൊന്ന് സംഭവിച്ചിരിക്കുന്നു. ‘തലൈവാ’ എന്ന പുതിയ സിനിമ തമിഴ്നാട്ടില്‍ റിലീസ് ചെയ്തിട്ടില്ല. കേരളം ഉള്‍പ്പടെ ലോകത്തിന്‍റെ മറ്റ് ഭാഗങ്ങളില്‍ ചിത്രം പ്രദര്‍ശനത്തിനെത്തി.
ഈ സിനിമ തമിഴ്നാട്ടില്‍ എന്ന് റിലീസ് ചെയ്യുമെന്ന കാര്യത്തില്‍ ഒരുറപ്പുമില്ല. ബോംബ് ഭീഷണി നിലനില്‍ക്കുന്നതിനാല്‍ സിനിമ കളിക്കാന്‍ തിയേറ്ററുകള്‍ ഒരുക്കമല്ല. പ്രശ്നം പരിഹരിക്കാനായി വിജയ് മുഖ്യമന്ത്രി ജയലളിതയെ കാണാന്‍ ശ്രമിച്ചെങ്കിലും വിജയ്ക്ക് അനുവാദം ലഭിച്ചില്ല.
