'പാണ്ഡ്യനാട്' എന്നൊരു തമിഴ് ചിത്രമുണ്ട്. വിശാല്‍ നായകനായ സിനിമയാണ്. ജോഷി സംവിധാനം ചെയ്ത പുതിയ സിനിമ 'അവതാരം' കണ്ടുകൊണ്ടിരുന്നപ്പോള്‍ കഥ ആ ലൈനിലാണോ പോകുന്നതെന്ന് ഒരുനിമിഷം സംശയിച്ചു. പിന്നീട് ആശ്വാസമായി. അങ്ങോട്ടൊന്നും ഈ കഥ എത്തിനോക്കുന്നില്ല. ഈ കഥ ഒരു പ്രത്യേകതരം കഥയാണ്. വെറുതെ തമിഴിന്‍റെയൊക്കെ പിറകേ പോയി സമയം കളയേണ്ടതില്ല.

ജോഷിയുടെ ലോക്പാല്‍ എന്ന സിനിമ കണ്ടപ്പോള്‍ അദ്ദേഹത്തിന്‍റെ ഏറ്റവും മോശം ചിത്രം അതാണെന്ന് അഭിപ്രായമുയര്‍ന്നിരുന്നു. അങ്ങനെ ആ സിനിമയെക്കുറിച്ച് പറഞ്ഞവര്‍ക്ക് അത് മാറ്റിപ്പറയേണ്ടിവരും. അവതാരം അങ്ങനെ ഒരവതാരമാണ്.

ജോഷിയുടെ മേക്കിംഗ് സ്റ്റൈലിന്‍റെ, കഥ പറച്ചില്‍ രീതിയുടെ ആരാധികയായ എനിക്ക് അവതാരം സമ്മാനിച്ചത് നിരാശ മാത്രമാണ്. ജോഷി ടച്ച് എവിടെയുമില്ലാത്ത ഒരു സിനിമ. തട്ടിക്കൂട്ട് കഥയും ആഖ്യാനവും കുറേ വയലന്‍‌സും. ദിലീപ് സിനിമകള്‍ ആസ്വദിക്കുന്ന മലയാളികള്‍ക്ക് സത്യത്തില്‍ അവതാരം ഒരു പീഡനമാണ്.

അടുത്ത പേജില്‍ - ചരിത്രം സൃഷ്ടിക്കുന്ന സാധാരണക്കാരന്‍!