‘ജില്ല‘ മാസ് പടം; ലാല്‍ തകര്‍ത്തു, വിജയ് കസറി!- ജില്ല റിവ്യൂ
ശേഖര്‍ മേനോന്‍
PRO
PRO
ലാലും വിജയും പൂണ്ട് വിളയാടുന്നത് ഒഴിച്ചാല്‍ പടത്തില്‍ ഒന്നുമില്ല. നമ്മുടെ ലാലേട്ടനു വേണ്ടത്ര പ്രാധാന്യം കൊടുത്തിട്ടില്ല മച്ചൂ എന്നു പറയുന്ന ആരാധകരെയും തീയേറ്ററില്‍ കണ്ടു. രണ്ടാം പകുതിയില്‍ വേണ്ടത്ര വേഗമില്ലാത്തത് ആരാധകരെ നിരാശപ്പെടുത്തും. അനാവശ്യമായ ഒരു പാട്ട് സീനും ചില സീനുകളും ഒഴിവാക്കിയിരുന്നെങ്കില്‍ പടം ഒരു രണ്ടര മണിക്കൂറിന്റെ കം‌പ്ലീറ്റ് എന്റര്‍ടെയ്നറാക്കാന്‍ നേശനെന്ന സംവിധായകന് കഴിയുമായിരുന്നു.
കഥയില്‍ പുതുമയില്ലായെന്നതാണ് പടത്തിന്റെ ഏറ്റവും വലിയ ബലഹീനത. കുറച്ചു കൂടി മേയ്ക്കിംഗില്‍ ശ്രദ്ധിക്കാമായിരുന്നു എന്നു തോന്നും പടം കഴിയുമ്പോള്‍. സ്കാര്‍ലെറ്റ് മെല്ലിഷ് വിത്സണിന്റെ ഐറ്റം ഡാന്‍സും പ്രകാശ് രാജ്, ജീവ എന്നിവരുടെ സ്പെഷ്യല്‍ അപ്പിയറന്‍സും മുളകിന് എരിവെന്ന പോലെയുണ്ട്. കേരളത്തില്‍ 300 തീയേറ്ററില്‍ പടമെത്തിച്ചിരിക്കുന്നത് ലാലിന്റെ സാക്ഷാല്‍ ആന്റണി പെരുമ്പാവൂര്‍ ഉടമസ്ഥതയില്‍ ആശിര്‍വാദ് സിനിമാസാണ്. എന്തായാലും ജില്ല ഒരു മാസ് പണംവാരി പടമാകുമെന്ന് ഉറപ്പ്, ആരാധകര്‍ക്ക് ഒരു ഉത്സവചിത്രവും.
