കടുത്ത മമ്മൂട്ടി ആരാധകര്‍ക്ക് കൈയടിക്കാനുള്ള വകയൊക്കെ ചിത്രത്തിന്‍റെ ആദ്യപകുതിയിലുണ്ട്. എന്നാല്‍ മമ്മൂട്ടിയുടെ വേഷവിധാനത്തിലല്ലാതെ കഥാപാത്രത്തിലോ കഥയിലോ ഒരു പുതുമയും ഇല്ല. ബെന്നി പി നായരമ്പലം എഴുതി മുമ്പ് നമ്മള്‍ കണ്ടിട്ടുള്ള മമ്മൂട്ടിച്ചിത്രങ്ങള്‍ - ചട്ടമ്പിനാട്, തൊമ്മനും മക്കളും, പോത്തന്‍‌വാവ, അണ്ണന്‍‌തമ്പി - എന്നിവയുടെ ഗണത്തിലേക്ക് ഈ സിനിമയെയും വേണമെങ്കില്‍ ഉള്‍പ്പെടുത്താം. എന്നാല്‍ ന്യൂജനറേഷന്‍ പരീക്ഷണചിത്രങ്ങള്‍ വിജയം കൊയ്യുന്ന ഈ കാലത്ത് ‘ക്ലീറ്റസ്’ അനവസരത്തിലെത്തിയ അതിഥിയായിപ്പോയി.
