Last Updated:
വെള്ളി, 13 ജൂണ്‍ 2014 (15:48 IST)
നയന്‍‌താര പൊലീസാകുന്നു. പുതിയ തമിഴ് ചിത്രമായ 'തനി ഒരുവന്‍' നയസിന്‍റെ പൊലീസ് കഥാപാത്രവുമായി പ്രദര്‍ശനത്തിനെത്തും. ജയം രാജ സംവിധാനം ചെയ്യുന്ന ചിത്രത്തിലെ നായകന്‍ ജയം രവി.
തില്ലാലങ്കടിക്ക് ശേഷം ജയം രാജയും രവിയും ഒന്നിക്കുന്ന ഈ റൊമാന്‍റിക് ആക്ഷന്‍ ത്രില്ലറിന്‍റെ 40 ശതമാനം ഷൂട്ടിംഗ് മഹാബലിപുരം, ഹൈദരാബാദ്, ബാംഗ്ലൂര്‍ എന്നിവിടങ്ങളിലായി പൂര്‍ത്തിയായിക്കഴിഞ്ഞു.
സ്ഥിരമായി റീമേക്ക് ചിത്രങ്ങളാണ് ഒരുക്കാറുള്ളതെങ്കിലും ഇത്തവണ ജയം രാജ ഒരു ഫ്രഷ് സിനിമയുമായി എത്തുകയാണ്. തനി ഒരുവന്‍റെ സംഗീതം ദേവി ശ്രീ പ്രസാദാണ്. ഛായാഗ്രഹണം രാം‌ജി. ഒരു പുതിയ വില്ലനെ ഈ സിനിമ അവതരിപ്പിക്കുന്നു.
എ ജി എസ് എന്‍റര്‍ടെയ്ന്‍‌മെന്‍റ് നിര്‍മ്മിക്കുന്ന ഈ ബിഗ് ബജറ്റ് ചിത്രം ജയം രവിയുടെയും നയന്‍‌താരയുടെയും കരിയറിലെ നിര്‍ണ്ണായക ചിത്രമായിരിക്കുമെന്നതില്‍ സംശയമില്ല. ജയം രവിയും നയന്‍‌താരയും ഒരുമിച്ച് അഭിനയിക്കുന്നത് ഇതാദ്യമാണ്.
