വിദ്യ ബാലന്‍ കേന്ദ്രകഥാപാത്രമായി എത്തുന്ന പുതിയ ചിത്രം പ്രഖ്യാപിച്ചു.

ഷിര്‍ഷ ഗുഹ തകുര്‍ത സംവിധാനം ചെയ്യുന്ന സിനിമയ്ക്ക് പേരിട്ടിട്ടില്ല. തന്റെ പുതിയ ചിത്രം ഒരേപോലെ ചിരിപ്പിക്കുകയും കരയിപ്പിക്കുകയും ചെയ്യുമെന്ന് വിദ്യ പറഞ്ഞു.

പ്രതിക് ഗാന്ധി, ഇല്യാന,സെന്തില്‍ രാമമൂര്‍ത്തി തുടങ്ങിയ താരങ്ങളും വിദ്യാബാലന്‍ ഒപ്പമുണ്ട്.അപ്ലോസ് എന്റര്‍ടെയ്ന്‍മെന്റും എല്ലിപ്‌സിസ് എന്റര്‍ടെയ്ന്‍മെന്റും ചേര്‍ന്നാണ് സിനിമ നിര്‍മ്മിക്കുന്നത്. അണിയറപ്രവര്‍ത്തകരെ കുറിച്ചുള്ള വിവരങ്ങള്‍ പുറത്തുവിട്ടിട്ടില്ല.

ഷെര്‍ണി എന്ന ചിത്രമാണ് വിദ്യാ ബാലന്റേതായി ഏറ്റവും ഒടുവില്‍ റിലീസ് ചെയ്തത്.