കെ ആര്‍ അനൂപ്|
Last Modified ബുധന്‍, 19 മെയ് 2021 (12:54 IST)
'ദി ഫാമിലി മാന്‍' സീസണ്‍ 2 ട്രെയിലര്‍ പുറത്തിറങ്ങിയപ്പോള്‍ എല്ലാവരുടെയും കണ്ണുകള്‍ സാമന്തലേക്കായിരുന്നു. പ്രതിനായക റോളിലാണ് നടി പ്രത്യക്ഷപ്പെടുന്നത്. രാജി എന്ന തമിഴ് കഥാപാത്രത്തെയാണ് സാമന്ത അവതരിപ്പിക്കുന്നത്. മനോജ് ബാജ്‌പേയി അവതരിപ്പിക്കുന്ന ശ്രീകാന്ത് തിവാരിയുടെ ദാമ്പത്യ ജീവിതത്തില്‍ ഉണ്ടാകുന്ന പുതിയ പ്രശ്‌നങ്ങളും അദ്ദേഹത്തിന്റെ പുതിയ ജോലി സ്ഥലവും എല്ലാമാണ് രണ്ടുമിനിറ്റ് 49 സെക്കന്‍ഡ് ദൈര്‍ഘ്യമുള്ള ട്രെയിലര്‍ ആദ്യം പ്രേക്ഷകരെ കാണിക്കുന്നത്.
പ്രിയാമണി ഉള്‍പ്പെടെ ആദ്യ സീസണില്‍ ഉണ്ടായ കഥാപാത്രങ്ങളെല്ലാം ഈ സീസണിലും ഉണ്ടാകും.ജൂണ്‍ നാലിന് ആമസോണ്‍ പ്രൈമിലൂടെ ഫാമിലി മാന്‍ സ്ട്രീമിംഗ് ആരംഭിക്കും.സീമ ബിശ്വാസ്, ഷറദ് കേല്‍ക്കര്‍, ദര്‍ഷന്‍ കുമാര്‍, സണ്ണി ഹിന്ദുജ, ഷഹബ് അലി, ശ്രേയ ധന്മന്തരി, മഹെക് താക്കൂര്‍, വേദാന്ത് സിന്‍ഹ എന്നിവരാണ് മറ്റു പ്രധാന വേഷങ്ങളിലെത്തുന്നത്.
