കെ ആര്‍ അനൂപ്|
Last Modified ബുധന്‍, 10 മാര്‍ച്ച് 2021 (12:26 IST)
വിക്രമും മകന്‍ ധ്രുവും ആദ്യമായി ഒന്നിക്കുന്ന ചിത്രമാണ് 'ചിയാന്‍ 60'. കാര്‍ത്തിക് സുബ്ബരാജ് സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇന്ന് ആരംഭിച്ചു. നായികമാരായി സിമ്രാന്‍, വാണി ഭോജന്‍ എന്നിവര്‍ ഈ ടീമില്‍ ഉണ്ടാകും എന്നതാണ് പുതിയ വിവരം. 7 സ്‌ക്രീന്‍ സ്റ്റുഡിയോയുടെ ബാനറില്‍ ലളിത് കുമാറാണ് ചിത്രം നിര്‍മ്മിക്കുന്നത്.
വിക്രമിനൊപ്പം 'ധ്രുവ നച്ചത്തിരം' എന്ന സിനിമയില്‍ സിമ്രാന്‍ പ്രവര്‍ത്തിച്ചിരുന്നുവെങ്കിലും ചിത്രം റിലീസ് ചെയ്തിട്ടില്ല. 'ഓ മൈ കടവാലെ' എന്ന ചിത്രത്തിലെ അഭിനയത്തിലൂടെ ശ്രദ്ധേയയായ വാണി ഭോജന്‍ 'ചിയാന്‍ 60' എന്ന ചിത്രത്തിലെ പ്രധാന കഥാപാത്രത്തെ അവതരിപ്പിക്കും.
നിര്‍മ്മാതാക്കള്‍ തുടക്കത്തില്‍ അനിരുദ്ധ് രവിചന്ദറിനെ സംഗീത സംവിധായകനായി കൊണ്ടുവരാന്‍ നിര്‍മ്മാതാക്കള്‍ ശ്രമിച്ചിരുന്നുവെങ്കിലും കാര്‍ത്തിക് സുബ്ബരാജിന്റെ പതിവ് സഹകാരി സന്തോഷ് നാരായണനാണ് ഒടുവില്‍ നറുക്ക് വീണത്. കൂടുതല്‍ അപ്‌ഡേറ്റുകള്‍ ഉടനുണ്ടാകുമെന്നും എല്ലാവരുടെയും പിന്തുണയും സ്‌നേഹവും ആവശ്യമാണെന്നും സംവിധായകന്‍ കാര്‍ത്തിക് സുബ്ബരാജ് പറഞ്ഞു.
