അനുബന്ധ വാര്ത്തകള്
- പത്തൊന്പതാം നുറ്റാണ്ട് ആക്ഷന് ഓറിയന്റെഡ് ഫിലിം തന്നെ ആണ്: വിനയന്
- മകള്ക്ക് പേര് ഇട്ട് സിജു വില്സണ്, ചിത്രങ്ങള് ശ്രദ്ധ നേടുന്നു
- ജനങ്ങളുടെ ശബ്ദമായി സിജു വില്സണ്,പത്തൊമ്പതാം നൂറ്റാണ്ട് ലൊക്കേഷന് ചിത്രങ്ങള് പുറത്ത്
- അല്ഫോണ്സ് പുത്രന് മാജിക്കിന് 6 വയസ്സ്,'പ്രേമം' ഓര്മ്മകളില് നിവിന് പോളി !
- പത്തൊന്പതാം നുറ്റാണ്ടിലെ നായിക കയാദുവും ഒരഭിനേത്രി എന്ന നിലയില് മലയാളത്തിന്റെ അഭിമാന താരമായിമാറും: വിനയന്
'വിനയന്റെ പത്തൊമ്പതാം നൂറ്റാണ്ട് വലിയ പഠന അനുഭവം'; ക്യാരക്ടര് ലുക്ക് പങ്കുവെച്ച് രേണു സൗന്ദര്
വിനയന്റെ പത്തൊമ്പതാം നൂറ്റാണ്ട് ഒരുങ്ങുകയാണ്.നിലവിലെ സാഹചര്യത്തില് ചിത്രീകരണം നിര്ത്തിവെച്ചിരിക്കുന്ന സിനിമയുടെ ഓരോ വിശേഷങ്ങളും സംവിധായകനും മറ്റ് അഭിനേതാക്കളും പങ്കുവയ്ക്കാറുണ്ട്. നീലി എന്ന കഥാപാത്രത്തെയാണ് താന് അവതരിപ്പിക്കുന്നതെന്ന് വെളിപ്പെടുത്തിയിരിക്കുകയാണ് നടി രേണു സൗന്ദര്. ക്യാരക്ടര് ലുക്കും പുറത്തു വിട്ടു.
'നിങ്ങള്ക്കൊപ്പം പ്രവര്ത്തിച്ചത് ഒരു മികച്ച അനുഭവമാണ് വിനയന് സര്. മുമ്പൊരിക്കലും ഇതുപോലുള്ള ഒരു പീരിയഡ് സിനിമയില് പ്രവര്ത്തിക്കാനുള്ള അവസരം ലഭിച്ചിട്ടില്ല. അതിശയകരമായ ടീമിനായി പ്രവര്ത്തിച്ചത് ഒരു വലിയ അനുഭവമായിരുന്നു. മാത്രമല്ല, ഈ പീരിയഡ് സിനിമയുടെ ഭാഗമാകാന് കഴിഞ്ഞത് എനിക്ക് ഒരു വലിയ പഠന അനുഭവമാണ്.പത്തൊമ്പതാം നൂറ്റാണ്ടിലെ നീലി'- രേണു സൗന്ദര് കുറിച്ചു.
കറുത്തമുത്ത് എന്ന സീരിയലിലൂടെയാണ് നടി ശ്രദ്ധേയയായത്.മാന്ഹോള്, ചാലക്കുടിക്കാരന് ചങ്ങാതി, ഓട്ടം തുടങ്ങിയ ചിത്രങ്ങളിലും രേണു അഭിനയിച്ചിട്ടുണ്ട്. മഞ്ജുവാര്യര് കേന്ദ്ര കഥാപാത്രമായി എത്തുന്ന ജാക്ക് ആന്ഡ് ജില് എന്ന സിനിമയുടെ റിലീസിനായി കാത്തിരിക്കുകയാണ് രേണു സൗന്ദര്.
