കുഞ്ചാക്കോ ബോബനൊപ്പം അരവിന്ദ് സ്വാമി, ത്രില്ലര്‍ ചിത്രം ഒറ്റ് വരുന്നു, ശ്രദ്ധനേടി ഫസ്റ്റ് ലുക്ക് പോസ്റ്റര്‍

കെ ആര്‍ അനൂപ്| Last Modified ശനി, 19 ജൂണ്‍ 2021 (08:57 IST)

കുഞ്ചാക്കോ ബോബനും അരവിന്ദ് സ്വാമിയും ആദ്യമായി ഒന്നിക്കുന്ന പുതിയ ചിത്രമാണ് ഒറ്റ്. സിനിമയുടെ പോസ്റ്റര്‍ ലുക്ക് പോസ്റ്ററാണ് ശ്രദ്ധനേടുന്നത്. ഇരുവരുടെയും കഥാപാത്രത്തിന്റെ സ്വഭാവം ഏകദേശം വ്യക്തമാകുന്നതാണ് പോസ്റ്റര്‍ .

സ്‌റ്റൈലിഷായി നടന്നുവരുന്ന നടന്മാരെയാണ് പോസ്റ്ററില്‍ കാണാനാകുന്നത്. ഇതുവരെയും കാണാത്ത ഒരു കുഞ്ചാക്കോബോബന്‍ കഥാപാത്രമായിരിക്കും ഇത്. ശ്രദ്ധേയമായ വേഷത്തിലാകും അരവിന്ദ് സ്വാമിയും പ്രത്യക്ഷപ്പെടുക.


ടി പി ഫെല്ലിനി സംവിധാനം ചെയ്യുന്ന ചിത്രം തമിഴ്-മലയാളം ഭാഷകളിലായാണ് റിലീസ് ചെയ്യുക. ബോളിവുഡ് താരം ജാക്കി ഷറോഫും സിനിമയിലുണ്ട്. ത്രില്ലര്‍ പശ്ചാത്തലത്തിലൊരുങ്ങുന്ന ചിത്രത്തിന്റെ ഷൂട്ടിംഗ് ഗോവയിലും മംഗലാപുരത്തുമായാണ് നടന്നത്.രണ്ടഗം എന്നാണ് തമിഴിലെ ടൈറ്റില്‍.എസ് സജീവാണ് തിരക്കഥ ഒരുക്കിയിരിക്കുന്നത്.തെലുങ്ക് താരം ഈഷ റെബ്ബയാണ് നായിക.




ഇതിനെക്കുറിച്ച് കൂടുതല്‍ വായിക്കുക :